Heilir og sælir ágætu félagsmenn!

Nú hafa skólarnir verið settir og haustverkin í algleymingi. Allir boltar eru á lofti og mörg verk þarf að vinna samtímis. Á slíkum tímum er mikilvægt að hlúa að sjálfum sér, bæði líkamlega og andlega. Einn liður í því er að huga að og gefa sér tíma til ígrundunar og starfsþróunar.
 
Rannsóknir hafa sýnt að þar sem skólastjórnendur vinna saman sem faglegir leiðtogar og fá kennara með sér í þróunarstarfið eykst árangur nemenda í námi.  Skólastjórnandi sem faglegur leiðtogi er mikilvægur fyrir starfsþróun kennara og sjálfstæði þeirra í starfi. Faglegur leiðtogi þarf að byggja upp samstöðu og teymisvinnu og tryggja að teknar séu sjálfstæðar og ábyrgar ákvarðanir. Það er því mikilvægt að skólastjórnendur hugi að sinni eigin starfsþróun og að þeir fái stuðning til þess frá sveitarstjórnum, skólaskrifstofum og háskólastofnunum sem sinna námi og starfsþróun skólastjórnenda.  
 
Eitt af markmiðum SÍ er að efla starfsþróun sinna félagsmanna, þar má nefna starfsþróunarvef þar sem er fjöldi tilboða til skólastjórnenda. Sjá hér.

Námskeið fyrir nýja skólastjórnendur verður haldið skólaárið 2014-2015 og hefst í september. Námstefna SÍ  verður síðan haldin 10.-11. október á Selfossi og mun lúta að starfsþróun bæði stjórnenda og kennara. Vonast að sjá ykkur sem flest á Selfossi.

Með kveðju,
Svanhildur

Af kjaramálum

Námstefna og aukaaðalfundur á Selfossi í október  

1. Skýrsla stjórnar
2. Kynning á ársreikningum
3. Lagabreytingar (tillögur að lagabreytingum verað sendar út til félagsmanna í byrjun september)
4. Til þess að lagabreytingar nái fram að ganga verða þær að hljóta samþykki 2/3 hluta greiddra atkvæða. Breytingar á lögum koma fyrst til framkvæmda þegar stjórn KÍ hefur staðfest þær.
5. Þar sem um er að ræða aukaaðalfund er rétt að ítreka að samkvæmt 19. gr. laga félagsins þurfa tillögur að lagabreytingum að hafa borist stjórn 8 vikum fyrir aðalfund.
6. Önnur mál.