|
Iniciativa pol Asturianu reclama medios públicos comprometíos cola llingua asturiana
Sofítase un manifiestu que pide compromisu col asturianu a RTPA
Iniciativa pol Asturianu participó esti xueves 20 de febreru na presentación del manifiestu ‘Cinco puntos por unos medios públicos al serviciu d’Asturies’, al que se dio llectura nel llar de l'Academia de la Llingua Asturiana n'Uviéu, cola presencia de represenantes de les más de venticinco asociaciones que roblen el documentu y de la presidenta de l'ALLA, Ana Cano. lleer más | TPA Noticies tapez les intervenciones
Día Internacional de la Llingua Materna
Iniciativa pol Asturianu participa con una campaña
Dende l'añu 2000 la UNESCO impulsa la celebración del Día Internacional de la Llingua Materna en tol mundu. L'asturianu, como llingua materna de munchos ciudadanos y ciudadanes, vive una situación de desigualdá y cuerre peligru real de desapaecer. Nesti día, puedes facer un xestu y collabora col so futuru faciéndote sociu d'Iniciativa pol Asturianu dende 20 euros al añu. lleer más | facete sociu
|
|
|
21-F: Carta al Presidente
d'Asturies
El diariu El Comercio asoleyaba'l vienres 21 de febreru y coincidiendo col Día Internacional de la Llingua Materna, una carta abierta del presidente d'Iniciativa pol Asturianu, Inaciu Galán, dirixida al Presidente d'Asturies, el socialista Javier Fernández. Na carta faise un llamáu a Fernández, al so gobiernu y a la so formación, la FSA-PSOE, pa que camuden la so postura contraria a la oficialización del asturianu ya impulsen esti procesu hacia la normalidá de la llignua natal de munchos asturianos y asturianes. lleer carta
|
Esther García nun pue usar l'asturianu nel plenu de Castrillón
Nesta edición d'Iniciativa pol Asturianu nes ondes, María Esther García López, conceyala de cultura y educación de Castrillón, por Izquierda Xunida, que gobierna nel conceyu, denuncia que nun pue espresase n'asturianu nel plenu por mor de que-ylo pidieron dempués de que los funcionarios del mesmu allegaren nun saber asturianu pa facer l'acta. lleer más y sentir entrevista
|
A la busca d'avances cola Fundación Príncipe d'Asturies
Inaciu Galán, presidente d'Iniciativa pol Asturianu, y Sabel Tuñón, vocal voluntariáu de la organización, aconceyaron el xueves 6 de febreru cola directora de la Fundación Príncipe d'Asturies, Teresa Sanjurjo, nel llar d'esta organización. A lo llargo del conceyu felicitóse a la entidá por entamar a usar l'asturianu col primer pasu dau al asoleyar n'asturianu y gallego-asturianu les bases y fiches d'inscripción nel Premiu al Pueblu Exemplar d'Asturies, anque se recordó a la entidá "lo curtio d'esti pasu dau y la necesidá d'una mayor implicación de la FPA nel usu del asturianu". lleer más
|
Últimos díes pa presentase al concursu lliterariu
Hasta'l 9 de marzu ta abiertu'l plazu pa presentase a esti concursu nel qu'Iniciativa pol Asturianu collabora cola asociación Abierto Hasta el Amanecer. El concursu ¿Qué cuentes...? entamáu por esta entidá permite presentar testos n'asturianu a concursu. lleer más | bases completes
|
Nueva convocatoria de conceyu de la Xunta Direutiva
Convócase a los miembros de la Xunta Direutiva d'Iniciativa pol Asturianu a un nuevu aconceyamientu que va celebrase'l sábadu 15 de marzu a les 18 hores nel llar de la Sociedá Cultural Xixonesa, nel entesuelu del númberu 4, de la cai Balmonte Miranda, en Xixón. Como siempres, la convocatoria ta abierta a tolos socios de la organización, a los que se-yos apurrirá l'orde del día pelos medios habituales y a los qu'animamos a asitir coles sos propuestes.
lleer más |
¿ónde ye'l conceyu?
|
|
L'editorial de febreru: Quimarán, Bual y otres consecuencies de la normalización "a cachos"
El procesu de recuperación y normalización de la toponimia asturiana plantegóse como si esta parte de la realidá llingüística fuera daqué dafechu independiente al restu del idioma. Nun pue pretendese que nuna sociedá onde nun se normaliza una llingua, ésta seya normal solo na cuestión toponímica. La normalización de la toponimia tien que formar parte d'un procesu de normalización absolutu, nel que seya un elementu más, non discordante col restu de la realidá llingüística. lleer más
|
Conceyu col Defensor Universitariu
Representantes d'Iniciativa pol Asturianu y del Conceyu Universitariu pol Asturianu aconceyaron esti mes con Ramón Durán, Defensor del Universitariu de la Universidá d'Uviéu, pola mor del casu de discriminación llingüística sufríu na Facultá de Formación del Profesoráu a finales de 2013. Nel conceyu algamóse'l compromisu de tomar acciones pa evitar que vuelvan a repitise casos como'l denunciáu va dellos meses. lleer más
|
"En tolos países civilizaos el médicu tien de saber l'idioma del paciente que va tratar"
Falóse nesti programa d'Iniciativa pol Asturianu nes ondes de medicina, col autor de la tesis doctoral "La Medicina Popular a través de la Lengua Asturiana”, Francisco Fernández-Guisasola, que denfendió la necesidá de que los médicos conozan la llingua asturiana, l'idioma de munchos de los pacientes asturianos. lleer más y sentir programa
|
Nuevos conteníos
del programa
"Alderiques d'Asturies"
El proyectu televisivu d'Iniciativa pol Asturianu en collaboración con Infoasturies.net y Conocer Asturias, apurre nuevos conteníos na so canal de YouTube: entrevistes col artesanu cerveceru Serxu Solares y la cantante Silvia Quesada, y l'avance d'un alderique con ciclistes y xente d'esti deporte bien popular n'Asturies. lleer más y ver programes
|
Tu faes posible la nuesa actividá
Iniciativa pol Asturianu nun solicita sovenciones nin nengún otru tipu d'ayuda pública, porque entendemos que ye la meyor manera de garantizar la nuesa independencia, asina como responsabilizanos del nuesu sostenimientu a lo llargo del tiempu. Esta ye la nuesa política, y ye posible siguila gracies a les aportaciones de los asociaos de la organización, que sois los responsables de caltener la nuesa actividá. Sicasí, nunca ye abondo, y ye importante siguir faciendo socios. Recordáilo a familiaries, amigos, conocíos... dende 20 euros al añu pueden facer la so aportación a un futuru meyor pa la nuesa llingua. facese sociu equí en 2 minutos
|
|
|
|
|
|
|