Y DU yn pleidleisio i adael yr UE wrth i Gymru benderfynu dilyn agenda gwrth-ewropeaidd

Ar 23 Mehefin, dewisodd pleidleiswyr adael yr Undeb Ewropeaidd, gyda'r ymgyrchwyr Gadael yn ennill y bleidlais gyda 52% o’r pleidleisiau, a’r ymgyrchwyr Aros ond yn ennill 48% o’r pleidleisiau.

Profodd Cymru yn fwy gwrth-Ewropeaidd na Lloegr, gyda 52.5% yn pleidleisio dros Adael a 47.5% yn pleidleisio dros Aros.

Mae hyn er gwaethaf y ffaith bod Cymru yn derbyn symiau uchel o arian gan UE - elw net tybiedig o £245 miliwn y flwyddyn.

Daw hyn fis ar ôl i aelodau UKIP gael eu hethol i Gynulliad Cymru am y tro cyntaf, a chwymp Tata Steel ym Mhort Talbot, sy'n cael ei ddadlau gan rai pobl ei fod wedi ei wneud yn waeth gan reolau cymorth gwladwriaethol yr UE.

Ar 8 Mehefin, cynhaliwyd dadl ar refferendwm yr UE gyda thri phanel yng Nghaerdydd. gan Ganolfan Llywodraethiant Cymru, Prifysgol Caerdydd a Chanolfan Materion Rhyngwladol Cymru. Trafodwyd cymdeithas a chyfraith, cysylltiadau mewnol a rhyngwladol, ac effeithiau ar swyddi a'r economi.

Mynegodd Dr Jo Hunt, o Ysgol y Gyfraith, Caerdydd, anhyblygrwydd yr UE o ran y cyfyngiadau a roddwyd ar waith, ond tynnodd sylw hefyd at y pwysigrwydd o gyfathrebu gyda’n gwledydd Ewropeaidd cyfagos.

Mynegodd pobl fel Dr Hywel Ceri Jones, y Farwnes Julie Smith a'r Arglwydd Dafydd Wigley eu barn am fanteision yr UE - fel undod, sylfaen ar gyfer gwella, a manteision cyllido i Gymru.

Ar y llaw arall, trafodwyd y manteision o adael yr Undeb Ewropeaidd gan David Rowlands o UKIP ac Alex Moscovici, Cadeirydd Myfyrwyr dros Brydain Caerdydd dros 'Adael', a Berwyn Davies. Roedd cytundebau masnach newydd, atebolrwydd gwleidyddol a sofraniaeth Brydeinig oll yn bynciau trafod.

Er gwaethaf buddugoliaeth yr ymgyrchwyr Gadael, mae'r dyfodol yn dal i fod yn ansicr wrth i ni gamu mewn i dir newydd. Nid ydym yn gwybod ar hyn o bryd sut fydd y penderfyniad hwn yn cyflwyno manteisio neu anfanteision i Gymru. 

Meddai Martin Pollard, Prif Weithredwr WCIA, "Fel cenedl, rydym wedi’n rhannu ar y mater hwn, ac mae’r broses o hyn ymlaen yn ansicr.  Felly mae'n bwysicach nag erioed ein bod yn dod at ei gilydd i hyrwyddo gwerthoedd WCIA, sef  heddwch, goddefgarwch, hawliau dynol a chydweithrediad rhyngwladol.

Dros y misoedd a'r blynyddoedd nesaf, byddwn yn sicrhau ein bod yn rhoi digonedd o gyfleoedd i’r cyhoedd yng Nghymru i drafod goblygiadau Brexit a dod o hyd i ffyrdd cyffredin i greu byd tecach, mwy heddychlon. "

I ddarllen mwy, cliciwch yma.

Penygroes yn Dathlu Pen-blwydd Pererindod Heddwch Menywod Gogledd Cymru yn 90 oed

Ymgynullodd mwy na chant o fenywod yn Neuadd Goffa Penygroes ar Fai 27 i ddathlu pen-blwydd Pererindod Heddwch Menywod 1926 yn 90 oed.

Daeth menywod ar draws Cymru, o Flaenau, Caernarfon, Llŷn a Wrecsam ynghyd i gofio a dathlu gorymdaith heddwch Gogledd Cymru a gynhaliwyd ym 1926.

Ar 19 Mehefin 1926, daeth nifer o grwpiau menywod at ei gilydd i drefnu pererindod heddwch i Hyde Park yn Llundain yn dilyn dinistr mawr yn sgil y Rhyfel Byd Cyntaf. Daeth menywod ar draws Prydain yn ymgyrchwyr dros leihau arfau a setlo anghydfodau rhyngwladol.

Yng Ngogledd Cymru, dan arweinyddiaeth yr ymgyrchwyr heddwch Gladys Thoday a Silyn Roberts, dechreuodd 2000 o fenywod o gwmpas tref Penygroes yn Sir Gaernarfon yr orymdaith heddwch yn y dref farchnad yn cario’r faner las sy’n symboleiddio heddwch. Ar ôl teithio a chynnal 15 o gyfarfodydd dros 5 diwrnod ar draws pentrefi gogledd Cymru, cyrhaeddodd yr orymdaith Gaer cyn ymuno â mwy na 10,000 o fenywod i ymgyrchu dros heddwch yn Hyde Park..

I nodi’r pen-blwydd, dadorchuddiodd Dills O'Brien Owen, oedd yn 103 oed,  blac coffa yn y fan ble  dechreuodd 2000 o fenywod eu gorymdaith. Daeth cymuned Penygroes at ei gilydd i gofio, gyda phlant lleol yn canu ac yn arddangos gwaith celf wrth i fenywod rannu straeon.

Roedd y pen-blwydd yn nodi dathliad o dreftadaeth heddwch Cymru a rôl menywod Cymru mewn heddwch rhyngwladol.

Os hoffech fwy o wybodaeth am y pen-blwydd yn 90 oed, cliciwch yma. I ddarllen mwy am orymdaith heddwch 1926 Menywod Gogledd Cymru, cliciwch yma.