|
Árligi limafundurin verður í Klaksvík 12. apríl 2016.
Árligi limafundur felagsins verður týskvøldið 12. apríl 2016 kl. 20.00 í kirkjukjallaranum í Christianskirkjuni, Klaksvík. Nógv ymiskt er á skránni, millum annað luttekur, landsstýriskvinnan í mentamálum, Rigmor Dam, á fundinum.
Skráin fyri limafundin er sambært viðtøkunum við frágreiðing frá arbeiðinum og fíggjarviðurskiftum. Limir hava møguleika at koma við spurningurm og viðmerkingum til arbeiðið hjá Bíbliufelagnum.
Andakt við Jógvani Fríðrikssyni, biskupi og forseta í Bíbliufelagnum.
Nýggj og spennandi tíðindi frá Sameindu Bíbliufeløgum (United Bible Societies - UBS).
Landsstýriskvinnan í mentamálum, Rigmor Dam, ber fram heilsu og sigur nøkur orð.
Eisini verður orðaskifti um tørv og framtíðarætlanir hjá Bíbliufelagnum. Upplegg til orðaskifti við Hallgerð Akurstein.
Eftir limafundin sigur Hilda Viderø frá um stuðul frá Bíbliufelagnum til Bíbliur á Filipsoyggjunum og í Pakistan.
Sangur við Tórhild Bjarkhamar og Ingu Jensen. Eisini syngur kórið í Christianskirkjuni.
Hjartaliga vælkomin!
Nýggir limir kunnu tekna seg á fundinum ella her.
Viðtøkur felagsins kunnu lesast á heimasíðuni www.biblia.fo
|
