Hotzikarak diskoan badira oroimenean arramazka egin eta sentipen garratzak berpizten dituzten kantuak, baita minak eta damuak osatzen laguntzen dutenak ere. Entzulearen erraietara iristeko, bere ahotsaren sakontasunaz eta heldutasunaz baliatzen da Petti.
Etxeko Uzta banda du bidelagun: Joseba Irazoki (gitarra), Iñigo Telletxea (baxua) eta Igor Telletxea (bateria). Txus Aranburu (teklatuak) eta Estitxu Pinatxo (ahotsa) ere izango dira Antzoki Zaharrean, kontzertu zirraragarria eskaintzeko.
|