Die hoofdoel van hierdie nuusflits is om te sê: wees op die uitkyk vir 'n bussie vol Japanners! Binnekort land 'n afvaardiging van 7 leraars van ons susterskerk, die Christian Reformed Church in Japan (RCJ), in Kaapstad vir 'n 12 dae besoek.
Mag dit – soos voorheen – wéér so wees dat die Japannese nie uitgepraat sal kan raak oor die warm harte en die oop hande waarmee hulle orals deur hulle Suid-Afrikaanse susters en broers ontvang is nie.
Hoekom kom die groep al die pad uit die Verre Ooste? Wat is die doelwitte van die besoek? Ek noem 'n paar:
- Om langtermyn verhoudinge tussen die NG Kerkfamilie en die RCJ verder uit te bou.
- Om Missie Japan se ondersteuners self te bedank vir jarelange ondersteuning.
- Om die RCJ eerstehandse blootstelling te gee aan verskillende gemeentes, Christene en kerkleiers in die SA konteks.
- Om die toekoms van diakonale betrokkenheid hier te verken (veral d.m.v. die bestaande projek in Botshabelo, en ook dalk nuwe areas van betrokkenheid).
- Om teologies-akademiese bande uit te bou (by die Teologiese Fakulteite in Stellenbosch en Bloemfontein).
- Om bewusmaking van die werk in Japan te skep.
- Om betekenisvolle ontmoetings en gesprekke te hê met Missie Japan se bestuurslede en ander betrokkenes.
- Om ook die breër kerkverband se leiers te ontmoet (dié keer in besonder Wes-en SuidKaap en OVS streke).
Waar gaan hulle beweeg?
Die hoof besoekpunte en datums is soos volg:
Woe. 6 en Do. 7 Mei: o.a. ontmoetings Stellenbosch Kweekskool en NGK Stellenbosch-Wes.
Vry. 8 Mei: o.a. ontmoetings by Goudini (Sinode van NGK in Wes-en Suid-Kaap) en op Swellendam (o.a. met Getuienisaksies van NGK Swellendam en Buffeljags asook VGK Railton lidmate)
Suid-Kaap area -
Sat. 9 Mei tot Ma. 11 Mei: verskeie ontmoetings en eredienste in George, Heroldsbaai, Wildernis en omgewing, met kerkleiers en rolspelers.
Vrystaat area -
Di. 12 Mei: reis na Bloemfontein via Oudtshoorn en Graaff-Reinet.
Woe. 13 tot Vry. 15 Mei: o.a. gesprekke met jong predikante van OVS en Missie Japan bestuurslede; besoek Botshabelo diakonale projek; woon 150e viering van OVS sinode by in Thaba Nchu, besoek OVS Universiteit.
Sat. 16 Mei: bywoon van 150e viering van OVS sinode in Winburg, en reis na Gauteng.
Gauteng area -
So. 17 Mei: verskeie ontmoetings en eredienste by NGK Andrew Murray (JHB) en RCA Charisma (PTA) gemeentes.
Ma. 18 Mei: vertrek terug na Japan
Vir meer details, skakel asb. vir Salome by 051-406 6729 of missie@ngkvs.co.za (Missie Japan kantoor).
Ondersteun en bid asb. saam dat hierdie ‘n baie spesiale en geseënde besoek sal wees. Onthou veral ook die Missie Japan span wat die groep help begelei, vertaal, versorg ens. Die hoof betrokkenes is: Gideon Van der Watt (sekretaris); Victor Pillay (voorsitter); Johann Winterbach (onder-voorsitter) en Tobie en Annalie de Wet (kommittee-lede).
Vrede
Stéphan, Carina, Annlie, Cornelius, Lodewyk en Stephan (jnr.)