|
Sorteo de 4 disquebolsas para celebrar o noso cuarto aniversario!
Xa contamos a historia moitas veces. En abril de 2011 fomos de excursión a Padrón e, tras a visita obrigada á casa de Rosalía, falamos durante a comida (un delicioso polbo á feira) do que nos gustaría montar algo. Un medio de tendencias, por exemplo. Podería ter quedado en nada, como moitas veces pasa nestes casos, pero Raquel chegou á casa, deulle á cabeza e dous días despois enviou un mail tan detallado e longo sobre como facelo todo que decidimos dar o paso. Catro anos despois, aquí seguimos.
Un aniversario así debe ser celebrado! E desta vez decidimos facer a celebración algo máis exclusiva, facela para vós, os fans que nos seguides incluso a través desta newsletter. Sorteamos catro disquebolsas! Seguro que moitos de vós xa tedes unha, pero nunca está de máis renovar... coñecemos de primeira man os efectos do tempo e a vida nas nosas bolsas.
Que tedes que facer para participar? Moi sinxelo: tan só pedimos que nos enviedes un mail a info@disquecool.com contándonos para que utilizaredes a bolsa se vos toca. Tedes ata o vindeiro domingo 17 de maio (unha data tamén especial!) para participar. O luns faremos un sorteo entre todos os mails recibidos e porémonos en contacto cos gañadores.
Moita sorte e, sobre todo, moitísimas grazas por estares sempre aí.
A por outros catro anos máis!
|
