|
Wat gebeur Sondag by Hoogland?
Ons vier die twee-en-twintigste Sondag in Koninkrykstyd en ses baba-dogtertjies word gedoop. Ons verwelkom ook ons senior lidmate en eer hulle vir die goeie geloofsvoorgangers wat hulle vir ons is.
Oggenddiens (08h30):
Op die eerste Sondag na Herformingsfees is dit goed om babas te doop - en te weet dat dit ons aan die kern van die Evangelie herinner.
Die volgende babas word gedoop:
Annabelle Lindström, dogter van Theuns en Mandy
Leja-Rose Brown, dogter van Bjorn en Maruscka
Emily Bain, dogter van Shaun en Jessica
Mienke-Miri Nel, dogter van Franco en Hanneke
Miyanda Wolmarans, dogter van Denys en Debra en
Kara du Preez, dogter van Andries en Karien
Die tema van die diens is: Die stem van die Evangelie... van geslag tot geslag. Die prediking fokus op 1 Tessalonisense 2:9-13.
Kuier in die Voorhuis:
Kom kuier gerus na die diens in die Voorhuis. Hier bou ons vriendskappe. As jy nuut is by Hoogland, of by ons kuier, wil ons jou graag daar ontmoet. Jy's welkom!
Geloofsvorming vir ons kinders:
- Junior GVG (Gr R tot 6) (09h30 tot 10h15):
Ouers en grootouers word hartlik genooi na die familie-Sondag en afsluiting, direk na die oggenddiens in die saal. Ouers, onthou asseblief die bordjie eetgoed. Sien julle daar!
- Senior GVG (Gr 7 tot 11) (17h30 tot 18h25):
Alle groepe sluit die jaar saam in die saal af. Ek sien uit om vir ou-laas saam met julle almal te wees!
Aanddiens (18h30-19h30):
Informele gesprek oor die lewe na die dood. Kom gesels saam.
|
