Rydym ni yn lansio gwefan newydd sbon

Mae gwefan newydd sbon Cyfranogaeth Cymru bellach yn fyw a hoffem wybod pa bynciau sydd bwysicaf i chi!

Mae gan Cyfranogaeth Cymru wefan newydd sbon, a fydd yn ein galluogi i ateb anghenion ein cynulleidfa yn fwy effeithiol, cynhyrchu cynnwys diddorol i chi a chymryd rheolaeth greadigol lawn dros ein lle arlein.
 
Mae’r wefan newydd hon yn gwbl ymatebol, yn ddwyieithog ac yn addas ar gyfer dyfeisiau symudol. Mae hyn o bwys sylweddol o ystyried mai traffig symudol ar y rhyngrwyd yw dros hanner yr holl draffig  ar y rhyngrwyd. Mae gennym gynlluniau cyffrous ar y gweill i’r wefan hon yn y dyfodol, ond dim bwys beth hoffem ni – beth hoffech chi sy’n bwysig i ni!
 
Rydym yn gyson yn gwella ein ffordd o wneud pethau a byddem wrth ein boddau o wybod beth sydd bwysicaf i chi.
 
Felly a fyddech cystal â threulio munud neu ddau yn ateb yr arolwg hwn ynglŷn â’ch arferion arlein a pha bynciau sydd bwysicaf i chi o ran ymgysylltu a chyfranogi cyhoeddus

Read this e-mail in English

Hefyd ar y gweill yn fuan:

*Cyfle olaf* 5 Ebrill: Cyflwyniad i’r cyfryngau cymdeithasol ar gyfer ymgysylltu, Caerffili

16 Mai: Marchnata’ch gwasanaethau, Caerdydd

6-7 Mehefin a 4 Gorffennaf: Rhannu pwer mewn gwasanaethau cyhoeddus (Achrededig gan Agored Cymru), Caerfyrddin

Sgwrs ar y blaenoriaethau Cenedlaethau'r Dyfodol

Mae angen i ni ddeall mwy am ein cymunedau, profiadau pobl a’r ffordd y maent yn byw eu bywydau os ydym am ddiogelu gallu cenedlaethau’r dyfodol i ddiwallu eu hanghenion.

Fel Comisiynydd Cenedlaethau’r Dyfodol Cymru cyntaf; yr wyf am wrando ar yr hyn sydd gennych i’w ddweud a deall yr hyn a gredwch yw’r materion pwysicaf sy’n wynebu Cymru yn y dyfodol.

Dros yr ychydig fisoedd nesaf byddwn yn siarad â phobl a gofyn i chi gwblhau arolwg byr i’n helpu i ganolbwyntio ar y meysydd blaenoriaeth ar gyfer gweithredu, a phenderfynu sut y gallwn gefnogi gwasanaethau cyhoeddus ledled Cymru i wella llesiant cenedlaethau’r dyfodol.

Rydym yn genedl fach sy’n wynebu rhai heriau mawr, felly nid yw ‘busnes fel arfer’ yn opsiwn ar gyfer y ffordd yr ydym yn gweithio yng Nghymru. Fy rôl yw bod yn warcheidwad ar gyfer cenedlaethau’r dyfodol yng Nghymru, gan hyrwyddo datblygu cynaliadwy (ein llesiant amgylcheddol, economaidd, cymdeithasol a diwylliannol) ac annog cyrff cyhoeddus i feddwl am effaith hirdymor eu gwaith.

Yr wyf wedi cael sgyrsiau gyda llawer o bobl yn barod am yr heriau y mae angen i ni weithio gyda’n gilydd i’w datrys. Rhoddais y rhain gyda’i gilydd mewn adroddiad."