Croeso

Croeso i rifyn mis Gorffennaf o gylchlythyr Cyfranogaeth Cymru! Rydym wedi ailddylunio gwedd yr ebost hwn ac fe fyddem wrth ein boddau o glywed eich barn. 

Mae ein cylchlythyr misol yn llawn gwybodaeth ynglŷn â chyrsiau hyfforddi, digwyddiadau cyfranogol sydd ar ddod, newyddion, ymgynghoriadau, dulliau a llawer mwy! 

Read this e-mail in English

Cyfle dysgu y mis

Taith dywys o’r 10 egwyddor

Egwyddorion Cenedlaethol ar gyfer Ymgysylltu â’r Cyhoedd yng Nghymru (Gwebinar)

Bydd y gweminar yn codi ymwybyddiaeth a dealltwriaeth o’r Egwyddorion Cenedlaethol ar gyfer Ymgysylltu â’r Cyhoedd yng Nghymru a’r Pecyn Cymorth gwerthuso perthnasol.

Datblygwyd yr Egwyddorion gan Cyfranogaeth Cymru yn 2010 a’u cymeradwyo gan Lywodraeth Cymru yn 2011. Ers hynny mae dros 140 o fudiadau a chyrff cyhoeddus yng Nghymru wedi cytuno i’r egwyddorion gan fynd ati i’w defnyddio er mwyn ymgysylltu’n well â’r cyhoedd, defnyddwyr gwasanaethau a gofalwyr.

Bydd y gweminar newydd hwn yn eich tywys drwy’r 10 egwyddor ac yn egluro sut y gallent fod o gymorth i chi a’ch mudiad.

Bydd y gweminar ymarferol hwn yn:

• Cyflwyno’r Egwyddorion Cenedlaethol ar gyfer Ymgysylltu â’r Cyhoedd
• Dangos eu defnydd ymarferol mewn gwaith ymgysylltu o bob math
• Amlygu’r pecyn cymorth gwerthuso a sut i’w ddefnyddio.

Cyrsiau Cyfranogaeth Cymru yn Rhaglen Hyfforddi newydd WCVA

Mae Cyfranogaeth Cymru yn parhau i ddarparu hyfforddiant i’r rheini yn y trydydd sector a’r sector cyhoeddus sydd am ymgysylltu’n effeithiol. Gall ein cyrsiau roi’r sgiliau sydd eu hangen arnoch i ymgysylltu â hyder. 

Eleni, fel y llynedd, rydym wedi cadw costau i lawr drwy beidio â chynhyrchu ein rhaglen hyfforddi ein hunain ond gan barhau i gynnwys ein cyrsiau yn rhaglen hyfforddi ehangach WCVA.

Mae ein cyrsiau yn hwyl, yn gyfranogol ac yn cael eu cynnal mewn amgylchedd dysgu hamddenol, gallant roi’r sgiliau sydd eu hangen arnoch chi a’ch mudiad i ddarparu gwasanaeth rhagorol.
 
Cydnabyddwn fod pobl yn dysgu mewn ffyrdd gwahanol; yn ein rhaglen hyfforddi newydd fe welwch amrywiaeth o gyrsiau byr, gweithdai, dysgu wedi’i achredu, gweminarau a chyfleoedd dysgu arlein eraill.
 
Arweinir ein hyfforddiant i gyd gan arbenigwyr yn eu maes sydd wedi ymrwymo i arfer gorau wrth gyfranogi ac ymgysylltu.

Yn gynharach eleni, gofynnon ni i chi am eich barn ar ddyfodol ein rhaglen hyfforddi a pha bynciau yr hoffech i ni eu cynnwys.
 
Cawsom 82 o ymatebion, a rhoddwyd pob un o’r rhain yn yr het i ennill tocyn PRYNU UN CAEL UN AM DDIM yn y Rhaglen Hyfforddi newydd.
 
Datgelwyd yr enillydd yn y fideo diweddaraf hwn ar ein Sianel YouTube.

Dyma rai o ganlyniadau’r arolwg:

• byddai’n well gan 64% o ymatebwyr i ni roi’r gorau i ddarparu cinio yn hytrach na chynyddu ffioedd ein cyrsiau
• hoffai 17% o ymatebwyr gael mynediad at hyfforddiant drwy gyfrwng y Gymraeg
• mae’n well gan 94% o ymatebwyr ddysgu mewn ystafell ddosbarth, serch hynny mae dulliau eraill hefyd yn bwysig i eraill.

Gallwch weld canlyniadau llawn yr arolwg yma.

Rhwydweithiau Cyfranogaeth Ranbarthol

Provisional dates - October 2017

Mae’r rhwydweithiau cyfranogaeth ranbarthol yma yn ddelfrydol ar gyfer unrhyw un sydd yn gweithio ym maes cyfranogaeth ac ymgysylltiad cyhoeddus.

Y Byrddau Gwasanaethau Cyhoeddus yw’r cerbydau partneriaeth statudol a sefydlwyd o dan Ddeddf Llesiant Cenedlaethau’r Dyfodol. Maent wedi bod yn gweithio tuag at osod amcanion Llesiant a chynllun llesiant fel sy’n ofynnol o dan y ddeddf.
 
Dros y flwyddyn ddiwethaf, mae’r Byrddau Gwasanaethau Cyhoeddus wedi bod wrthi’n brysur yn cysylltu â dinasyddion ynglŷn â’r asesiad llesiant a bellach maent yn gweithio ar amcanion drafft.
 
Mae’r rhwydweithiau rhanbarthol hyn yn cynnig cyfle i ni gyd ddeall yn well beth mae’r Byrddau hyn yn ei wneud a phwy sy’n rhan ohonynt, yn ogystal â chreu lle i’r rheini sy’n rhan ohonynt ystyried eu harferion ymgysylltu hyd yma a rhannu ag eraill sydd wedi bod yn gwneud y gwaith mewn ardaloedd eraill.

Mae’r rhai sy’n mynychu yn dod o fudiadau amrywiol yn y sector cyhoeddus a’r trydydd sector sy’n ffocysu ar sawl mater gwahanol.

Mae’r digwyddiadau yn addas ar gyfer unrhyw un o unrhyw lefel o fewn mudiad sydd gyda diddordeb mewn gwaith cyfranogol ymarferol, gan gynnwys swyddogion ymgynghori, ymddiriedolwyr, gwirfoddolwyr, swyddogion datblygu a rheolwyr.

More details and information on how to book a free space coming soon...

O’n Blog

8 Ffordd o Wella’ch Ffotograffiaeth ar Ffôn Clyfar

Dull y mis

Pleidleisio goleuadau traffig

• Sgwâr gwyrdd, cylch coch a thriongl melyn wedi’u lamineiddio gyda thwll drwy’r tri a’u cadw gyda’i gilydd gyda chylch allweddi.
• Gellir defnyddio’r cardiau hyn wrth weithio drwy’r gweithgareddau - os ydych wedi diflasu defnyddiwch coch fel stop, gwyrdd os ydych yn hapus neu felyn os nad oes gennych farn gref.
• Gellir ei ddefnyddio hefyd i bleidleisio ar gyfres o gwestiynau.

Newyddion a dolenni arall