Verdere prysstygings verwag
Daar word verwag dat rooivleispryse in die res van die jaar met tussen 9 en 15% gaan styg, sê mnr Gerhard Schutte, Hoof-uitvoerende Beampte van die nasionale Rooivleisprodusente-organisasie (RPO).
Jaar-op-jaar het die Suid-Afrikaanse produsenteprys van A-graad beesvleis met 8.1% gestyg en dit is tans R38,56/kg, BTW uitgesluit. Jaar-op-jaar het Suid-Afrikaanse lamsvleis met 9% gestyg en dit is tans R63,76/kg, BTW uitgesluit. Tradisioneel styg die produsenteprys van nou tot in die feesseisoen. Effens bokant inflasie stygings word verwag in 2017, 2018 en 2019. Lees meer ...
PMF vergader
Predasiebeheer in Natuurreservate was een van die sake wat tydens die laaste vergadering van die Predasiebestuursforum (PMF) bespreek is.
Provinsiale wetgewing verbied die beheer van roofdiere in natuurreservate, wat skynbaar ‘n teelaarde vir jakkalse is. In dele van die Vrystaat en die Oos-Kaap word groot verliese gely omdat baie natuurreservate nie elektriese heinings het nie. Lees meer ...
Pekelwater-regulasies gaan voort
Die byvoeging van pekelwater by hoender sal van 22 Oktober 2016 tot 15% beperk word ná die Hooggeregshof in Pretoria ‘n aansoek dat die regulasies ter syde gestel of uitgestel word, van die hand gewys het.
Die Suid-Afrikaanse Pluimveevereniging (SAPA) het hom tot die hof gewend omdat die wetenskaplike basis waarvolgens die Departement van Landbou, Bosbou en Visserye op die 15%-beperking besluit het, bevraagteken is. Lees meer ...
Vleisverbruik brei uit
Oor die afgelope dekade het vleisverbruik in Suid-Afrika drasties gestyg as gevolg van groeiende inkomstevlakke, voortgesette verstedeliking, stygende lewenstandaarde en ‘n verhoging in dieet-verskeidenheid, volgens die laaste basislyn verslag van BFAP (Bureau for Food and Agricultural Policy).
Pluimveeverbruik het as die mees bekostigbare bron van proteïen met byna 50% verhoog, vergeleke met ‘n 19% en 33% styging in beesvleisverbruik en varkvleisverbruik onderskeidelik. Lees meer ...
Brusellose is die nommer een aansteeklike siekte
Brusellose is die nommer een aansteeklike siekte in Suid-Afrika en ‘n aksieplan word tans deur die Brusellose-loodskomitee van die nasionale Dieregesondheidsforum onderneem, volgens die maandelikse verslae soos informeel aangemeld deur veeartse.
Brusellose is nie ‘n enkelvoudige siekte nie en kan die produktiwiteit van jou kudde stadigaan wegkalwe. Lees meer ...
Plaaslike pryse sal opwaarts neig
Internasionaal word daar verwag dat die Amerikaanse mark in die komende maande swak sal bly soos wat plaaslike produksie aanhou styg, maar laer slagtings van skotverse en osse mag die druk verlig, volgens ABSA Agri Trends.
Plaaslike sal pryse na verwagting ‘n opwaartse neiging toon weens ‘n verbeterde vraag in die warmer maande. Lees meer ...
Seisoenale neigings ondersteun skaapvleispryse
Internasionaal lyk die mark stabiel en sal na verwagting sywaarts beweeg, volgens ABSA Agri Trends.
Plaaslik sal pryse na verwagting ondersteun word in lyn met seisoenale stygings. Pryse behoort in die feesseisoen optimaal te wees. Lees meer ...
Soveel meer as net ‘n tjoppie
Ons is almal mal oor ‘n skaaptjoppie op die braai, maar weet ook immers dit is dikwels die duurste deel van die karkas as mens dit by ‘n kleinhandelaar koop. Skaapvleis SA is hard aan die werk om verbruikers daarvan bewus te maak dat ‘n skaapkarkas soveel meer as net tjoppies en skaapboud is. Hul het onlangs ‘n volblad in die “Weg” en “Go”, asook in die AgriEco insetsel in streekskoerante genaamd “Meer as ‘n tjoppie”, gepubliseer. Hierdie inligting gaan hand aan hand met ‘n nuwe resepteafdeling “So much more than a chop” op hul webblad www.cookingwithlamb.com. Gaan loer gerus hierna en laat weet ons as U ‘n lekker resep vir ‘n “alternatiewe snit” het.
|
|
|
|
|
|
