RSG 11 November Spesiale Kunstefees nuusbrief

KUNS + FEES

11 November 2016

Beste Luisteraar

Ons werk maande lank aan die produksies en nou het die tyd aangebreek om jou te verras. Dis nie ‘n vreemde verrassing met ‘n groot oranje kuif nie, maar wel heerlike kunstefees-verrassings. Ja, ons RSG Kunstefees spog vanjaar met 18 debuutwerke, ‘n magdom produksies, klankeksperimente, musiekkonserte, dramas, poësie en humor. Ons gaan jou voorstel aan van ons land se bekende en minder bekende, maar altyd baie talentvolle kunstenaars. Van die kunstenaars wat jy gaan ontmoet en beleef, sluit in Wouter Kellerman en die Soweto Gospel Choir, Michelle Breedt, Anton Goosen, Lize Beekman, Jana Cilliers, June van Merch, Emo Adams, Marius Titus, Willie Bester, Conrad Thys, Zyma Amien, werke van Vivaldi, en dramas oor Sarah Baartman, Beyers Naudé, Audrey Blignault, drie stories deur Jan Spies en een deur Shakespeare...en dis net enkeles!
Skop jou skoene uit en vergesel ons op ons kunste-reis. Ons vul dit hier aan met foto's, video's en meer inligting net ‘n klik weg.

Magdaleen en die RSG span

Beleef ons kunstefees

# Dramas, musiek, kuns, woord, lied...

Die fees skop Sondag 13 November af met 'n kabaret-konsert deur Amanda Strydom. Van Maandag 14 November tot Vrydag 18 November duur die kunstefees soggens van 09:00 tot 12:00 en saans van 19:00 tot 22:00. Ons feesprogram gee vir jou ‘n oorsig van alles op ons feesspyskaart en lei jou na skakels met meer inligting, foto's en video's wat tydens die opnames geneem is. Klik hier vir die volledige program.

Ons volledige feesprogram

Hier is dit. Klik hier vir die volledige daaglikse program.

Dramas, musiek en ...

Ons het ‘n handvol dramas oor onder ander die lewe van Beyers Naudé, Sarah Baartman en Audrey Blignault, en ‘n skoot Shakespeare. En natuurlik ook musiekkonserte - Wouter Kellerman met die Soweto Gospel Choir, Michelle Breedt, Anton Goosen en nog vele ander. Ons het ook produksies wat woord en musiek kombineer.

Dramas

Oor Beyers Naudé, Audrey Blignault, Sarah Baartman en nog meer.

LEES MEER

Musiek

Wouter Kellerman, Michelle Breedt, Amanda Strydom en ...

LEES MEER

Woord en musiek

Lize Beekman, Riana Scheepers, Krisjan Fourie, Vivaldi en ....

LEES MEER

Ontmoet ons feeskunstenaars en spesiale gaste

Ons 6 feeskunstenaars woeker met visuele kuns van sementbeelde, werke met kwas en skroot, animasies, houtbeelde, en werke uit naalde en spelde. Ons spesiale gaste is aktrise en skrywer Lerina Erasmus, Jana Cilliers, digter Marius Titus en die sangers wat in Luxurama opgetree het. Lees meer.

En dan is daar nog meer...

Drie kostelike kortverhale van Jan Spies en lekkerlag met Emo Adams en vriende sal jou dag opkikker, die dingusse kom kuier vir die kleuters en die gedigte wat voorgelees word, is roerend en bietjie laf.