Fjárframlög
til félagsdeilda
Árleg fjárframlög til félagsdeilda FF hafa nú verið reiknuð út og skýrsla send formönnum og ætti féð að skila sér inn á reikninga félagsdeildanna á allra næstu dögum.
|
|
FF óskar öllum félagsmönnum sínum gleðilegra jóla
og farsæls
komandi árs
|
|
|
Styrkir til sumarnámskeiða
Samstarfsnefnd um endurmenntun framhaldsskólakennara (SEF) hefur nú opnað fyrir umsóknir um styrki til að skipuleggja sumarnámskeið. Eins og áður er sótt um á heimasíðu Rannís. Athygli er vakin á því að laun fyrirlesara/kennara hafa verið hækkuð um 10% frá síðustu umsóknarlotu og að umsjónarlaun fagfélaga hafa verið hækkuð um 20%. Eins hefur þóknun til fagfélags sem heldur námskeið erlendis verið hækkuð í 200.000 krónur að hámarki og er þá ferðakostnaður skipuleggjanda innifalinn í styrknum.
Fulltrúar faggreinafélaga skipuleggja námskeiðin í í samstarfi við fræðslustofnanir. Umsækjendur um skipulagningu og framkvæmd sumarnámskeiða skulu vera bókhaldsskyldar fræðslustofnanir; svo sem háskólar, fræðslumiðstöðvar og símenntunarstofnanir.
Frekari upplýsingar má nálgast hér.
|
|
Jólafrí
Kennarahúsið
er lokað á Þorláksmessu,
27. desember og 2. janúar.
|
|
|
|
|
Verkefnisstjórnin sem starfað hefur ötullega frá 1. febrúar 2016. Efri röð f.v.: Stefán Andrésson (FB), Ólafur Sigurðsson (MMR), Guðmundur H. Guðmundsson (SNR). Neðri röð f.v.: Ársæll Guðmundsson (BHS), Guðríður Arnardóttir (FF), Reynir Þór Eggertsson (MK). Í fyrri verkefnisstórn sat Elna Katrín Jónsdóttir (FF).
Myndin er tekin á 100.fundi verkefnisstjórnar.
|
|
Fjarnám eður ei?
Í vinnumati eru ekki miðlæg sýnidæmi um fjarkennslu eða dreifnám enda hafa mismunandi reglur gilt um greiðslur fyrir fjarnám í framhaldsskólum. Kennarar geta tekið að sér fjarnám í yfirvinnu eða hafnað því eftir atvikum.
Með nýju vinnumati hefur komið í ljós að í einhverjum skólum er fjarnámskennsla orðin hluti af reglulegri vinnuskyldu kennara. Um þetta þarf að gera samkomulag og tilefni skal vera málefnalegt, eins og segir í 7. grein kjarasamningsins. Formaður FF áréttar að:
• þar til um annað er samið, geta kennarar hafnað því að taka að sér fjarnemendur
• það að telja fjarnemendur í vinnumati með sama hætti og dagskólanemendur fellur ekki að 7. grein kjarasamningsins
Formaður hefur sent formlegt bréf til skólameistara og trúnaðarmanna um að greiðslur fyrir fjarnám og/eða vinnumat fjarnámskennslu eigi að byggja á málefnalegum forsendum og endurspegla vinnuframlag kennara.
|
|
|
|
Börn á flótta og einkavæðing skóla
 Þing evrópskra kennarafélaga (ETUCE) var haldið í Belgrad í Serbíu, 4.-8. desember. ETUCE sameinar stéttarfélög kennara í Evrópu á öllum skólastigum og snýst um skóla- og kjaramál. Þar er rík hefð fyrir kröftugri skólamálaumræðu og á þessum sameiginlega vettvangi er fjallað um mannréttindi og málefni líðandi stundar frá sjónarhorni skólasamfélagsins. Málefni flóttamanna voru rædd og staða barna á flótta frá stríðshrjáðum löndum. Það er hryggileg staðreynd að 3,6 milljónir barna á skólaaldri eru á flótta í heiminum, mörg ein á báti. ETUCE sendi frá sér ítarlega ályktun um að félagsleg aðlögun barna frá framandi menningarheimum væri best tryggð í gegnum skólakerfið.
Til umfjöllunar á þessu þingi var líka vaxandi tilhneiging til einkavæðingar í menntakerfi Evrópu þar sem aðgengi að menntun er takmarkað og háð stétt eða stöðu. Velferð þjóða helst í hendur við hátt menntunarstig og aðgengi að gæðamenntun á að standa öllum jafnt til boða.
Til umræðu voru fjölmörg önnur brýn mál, svo sem jafnréttismál og launamál. Hægt þokast í rétta átt í sumum málaflokkum.
Þórður Hjaltested, formaður KÍ, og Guðríður Arnardóttir (í forföllum varaforkonu KÍ) sóttu þingið fyrir hönd KÍ.
Á heimasíðu ETUCE má finna gríðarlegt magn upplýsinga sem tengist menntun, starfsumhverfi og kjörum kennara, fróðleik um menntamál almennt og tölfræðileg gögn. Sérstaklega er bent á ályktun samtakanna í málefnum barna á flótta.
|
|
|
|
