|
Vertu með í EPALE samfélaginu sem í eru yfir 20 þúsund sérfræðingar í fullorðinsfræðslu. Taktu þátt og gefðu einkunnir, komdu með athugasemdir og eigin hugmyndir!
Evrópska starfsmenntavikan
Kæru EPALE samstarfsfélagar,
Dagana 5.-9. desember skipulagði framkvæmdastjórn Evrópusambandsins fyrstu evrópsku starfsmenntavikuna sem haldin hefur verið. Haldnir voru yfir 900 viðburðir víðsvegar um Evrópu þar sem kynnt voru áhugaverð viðfangsefni unnin undir merkjum starfsmenntunar. Einn af hápunktum starfsmenntavikunnar var ráðstefna um færni fullorðinna sem haldin var 6.-7. desember og var það einn stærsti viðburður á sviði í fullorðinsfræðslu í Evrópu árið 2016!
Hér á Íslandi var haldinn sérstakur viðburður á vegum Rannís, Iðunnar og menntamálaráðuneytis í tilefni af starfsmenntavikunni, fyrstu starfsmenntabúðir sem haldnar hafa verið hér á landi. Markmið starfsmenntabúðanna var að efla kennara og leiðbeinendur í starfi. Starfsmenntabúðirnar voru samsettar af nokkrum stöðvum, þar sem kynntar voru aðferðir eða tæki sem geta einfaldað vinnu þeirra sem sinna endurmenntun í starfsmenntun og fullorðinsfræðslu. Viðburðurinn mæltist vel fyrir og voru þátttakendur ánægðir með að fá tækifæri til að hittast og sækja sér endurmenntun á þennan máta.
Á meðan á starfsmenntavikunni stóð sýndi EPALE á vefgátt sinni bloggpósta, dæmisögur og gagnlegar upplýsingar sem safnað hafði verið saman hvaðanæva að úr Evrópu. Þeir sem ekki komust á ráðstefnuna um færni fullorðinna gafst kostur á að horfa á beina útsendingu á EPALE vefgáttinni. Einnig var boðið upp á beinar útsendingar á samfélagsmiðlum, myndbönd og annað sérútbúið efni á ensku.
Þann 3. desember beindi EPALE sjónum sínum sérstaklega að fullorðinsfræðslu og fræðslu fyrir fólk með fötlun og kynnti fjölda greina, dæmisögur og gagnlegar upplýsingar um viðfangsefnið.
|
