Blwyddyn Newydd Dda!
Ar ran Tîm Economi a Mentergarwch Torfaen yng Nghyngor Torfaen hoffem ddymuno pob llwyddiant i chi gyda’ch busnes yn 2017.
Fel rhan o'n hymrwymiad i gefnogi busnesau yn y fwrdeistref, bydd Economi a Mentergarwch Torfaen yn datblygu cyfres o bynciau busnes dan amrywiol themâu drwy gydol 2017 - o Gyllid a Busnes ac AD i Farchnata a Mentergarwch. Byddwn yn darparu prif erthyglau, astudiaethau achos ac awgrymiadau ynghyd â chysylltiadau i adnoddau a chyfleoedd er mwyn helpu busnesau sy'n bodoli, ac unrhyw un sydd am sefydlu busnes.
Ein pwnc cyntaf yn 2017 yw Noddi fel Arf Marchnata, i gael gwybod mwy darllenwch ein prif erthygl sy'n cynnwys adnoddau a chyfleoedd.
|
|
|
Arddangosfa Busnes Torfaen 2017
Gan Lais Busnes Torfaen
Dydd Mercher, 17 Mai 9am - 1pm –
Stadiwm Cwmbrân, Torfaen NP44 3YS
• Busnesau lleol mewn lleoliad lleol
• Atgyfnerthu cysylltiadau masnachu a meithrin cyfleoedd
• Cyfle i gwmnïau i arddangos eu busnesau
• Rhaglen lawn o ddigwyddiadau
• Brecwast rhwydweithio am ddim
• Gweithgareddau rhwydweithio ffurfiol ac anffurfiol
• Gwrando ar siaradwyr ysbrydoledig yn y byd busnes
• Sesiwn galw i mewn gydag arbenigwyr, gan Economi a Mentergarwch Torfaen
I drefnu stondin yn yr arddangosfa ac i gadw lle: www.southwalesbusiness.co.uk/TBVExhibition
|
|
|
Byddwch yn rhan o’ch clwb busnes lleol yn Nhorfaen yn 2017
Mae Llais Busnes Torfaen yn glwb rhwydweithio ffyniannus a chroesawgar sy'n rhoi cyfle i fusnesau lleol gyfarfod, rhwydweithio a dod i adnabod eu rhwydwaith busnes lleol. Yn denu ystod o sectorau gan gynnwys gwasanaethau proffesiynol, creadigol a dylunio i TG a hyfforddiant, mae'n bartneriaeth lwyddiannus a ddatblygwyd dros y 15 mlynedd diwethaf rhwng busnesau lleol a Chyngor Bwrdeistref Sirol Torfaen.
Ar hyn o bryd mae gennym dros 90 o aelodau gydag o leiaf 60 o bobl yn bresennol ym mhob cyfarfod. Nawr, heb os, yw'r amser gorau i fanteisio ar ein blwyddyn aelodaeth newydd.
|
Roedd ein cyfarfod Llais Busnes adeg y Nadolig yn ddigwyddiad hynod o ddifyrrus a phleserus, gydag adloniant gan Lee Byrne a Nigel Meek o fyd rygbi, i Elvis a sialens mannequin.
Felly dewch draw a rhwydweithio'n lleol mewn awyrgylch anffurfiol, cwrdd â chysylltiadau newydd sydd eisoes ar eich stepen drws. Cynhelir pob cyfarfod yng Nghlwb Golff Greenmeadow, Cwmbrân.
Digwyddiad Nesaf i Aelodau’r Clwb Busnes: 16 Mawrth 2017 – Rhwydweithio dan ofal hyrwyddwyr – Lleoedd blasu am ddim ar gael ar gais. Ymunwch nawr i ddod yn aelod yn 2017!
|
|
Digwyddiad yn codi arian i Gymdeithas Alzheimer
Codwyd dros £1,500 ar gyfer Cymdeithas Alzheimer yn nigwyddiad blynyddol Merched Torfaen mewn Busnes.
Cynhaliwyd y digwyddiad yng Ngwesty’r Parkway yn Nhachwedd a chodwyd £1695.22 trwy bris tocynnau, raffl, a chyfraniad gan Fanc Santander.
Daeth dros 100 o fenywod busnes ynghyd i ddathlu cyfraniad menywod i gymuned fusnes Gwent.
Dywedodd Cath Thomas, pennaeth economi, mentergarwch ac amgylchedd yng Nghyngor Torfaen: “Mae ein digwyddiad blynyddol i Ferched mewn Busnes wedi tyfu bob blwyddyn ac wedi dod yn un o uchafbwyntiau’r calendr busnes.
|
“Yn ogystal â rhoi cyfle i fenywod i rwydweithio a chlywed gan siaradwyr ysbrydoledig, rydym hefyd yn hoffi codi arian ar gyfer achosion da ac rydym yn falch o gael cyflwyno’r arian yma i Gymdeithas Alzheimer.”
Dywedodd Rhia Stankovic-Jones, swyddog codi arian cymunedol ar ran Cymdeithas Alzheimer’s: “Mae’r arian yma’n dderbyniol iawn a bydd yn caniatáu i ni barhau i ddarparu gwasanaethau i gefnogi pobl â dementia yn Nhorfaen, ac yn y pen draw buddsoddi mewn ymchwil at wellhad.
“Rhaid i ni ddweud diolch yn fawr iawn i Gyngor Torfaen a’r menywod i gyd a ddaeth i’r digwyddiad.”
|
|
Cyfeiriadur Busnes Torfaen
Mae’r cyfeiriadur yn eich galluogi i chwilio AM DDIM am gyflenwyr nwyddau a gwasanaethau yn Nhorfaen, yn annog masnachu’n lleol ac yn ffynhonnell ar-lein ar gyfer ymchwil a gwybodaeth ar weithgaredd economaidd a busnes yn Nhorfaen. Os ydych chi wedi’ch lleoli yn Nhorfaen yna ymunwch â dros 500 o gwmnïau sydd wedi ychwanegu eu manylion eisoes. Fe fydd yn cymryd ond ychydig funudau i chi i wneud ac mae’n rhad ac am ddim. Felly ehangwch eich proffil a’ch marchnata HEDDIW!
|
|
|
Gwefan Economi a Mentergarwch Torfaen
Ffynhonnell anhepgor ar gyfer masnachu yn Nhorfaen yw hon. Mae yna restr gyfredol o ddigwyddiadau busnes, newyddion a gwybodaeth am y gwasanaethau sydd ar gael gan dîm Economi a Mentergarwch Torfaen.
Mae hyn yn cynnwys cefnogaeth i ddechrau busnesau newydd trwy brosiect EFFECT project, benthyciadau Busnes, cefnogaeth gyffredinol i fusnesau ynghyd â chymorth arbenigol ac wedi’i addasu’n bwrpasol gydag adleoli busnes yn y Fwrdeistref. Ewch i’r wefan HEDDIW a chofiwch adael i ni wybod unrhyw newyddion da am eich busnes chi yn Nhorfaen!
|
|
|
|
|
|
|
