Boere verbrand hul vingers
Boere van die Carolina-distrik het ‘n slegte ervaring gehad met ‘n veldbrand wat van ‘n nabygeleë lokasie na hul plase versprei het.
In dié geval was dit moeilik om te bepaal wie die verantwoordelike party is, aangesien die grond aan Forever Resort behoort, daar ‘n stamkaptein is wat daarop aanspraak maak dat die grond aan hom behoort, terwyl politieke partye soos die EFF en die ANC ook ‘n rol speel.
|
|
Looierye wys nou huide weg
Die historiese idee in die leerbedryf dat alle huide een of ander tyd in leer omskep sal word en tot verbruikersprodukte verwerk sal word, is moontlik nie meer waar nie.
Hoewel pryse aansienlik gedaal het sedert dit ‘n paar weke terug ‘n hoogtepunt bereik het, het sommige leerlooierye besluit dit is nie vir hulle finansieel lewensvatbaar om huide van ‘n swak gehalte te verwerk nie, omdat daar nie ‘n aanvraag aan die einde van die mark is nie.
|
|
Jongste skattings bekend oor die omgewing en voedselproduksie
Navorsingsresultate wat in die joernaal Science gepubliseer is, werp nuwe lig op die impak wat duisende voedselprodusente en hul produkte op die omgewing het en bewys dat nuwe tegnologie benodig word om landbou te monitor. Daar behoort ook etikette met inligting oor die omgewingsimpak op voedselprodukte te wees.
Navorsers by die Oxford Universiteit en die Switserse Landbounavorsingsinstituut, Agroscope, het die mees omvattende databasis tot op hede geskep deur die omgewingsimpak van bykans 40 000 plase en 1 600 verwerkers, verpakkingstipes en handelaars te evalueer. Dit het hulle toegelaat om te bepaal in watter mate die verskillende produksiepraktyke en geografiese faktore van 400 hoofvoedselsoorte ‘n uitwerking op die omgewing het.
|
|
Vleis kan babas vinniger laat groei
Hoewel formules en babakos verpligtend is vir die goeie gesondheid van babas, dui ‘n nuwe studie daarop dat babas vinniger kan groei as vleis deel van hul dieet is.
In ‘n nuwe navorsingstudie wat in die American Journal of Clinical Nutrition gepubliseer is, kan babas wat met formules gevoed word, ook vleis inneem, omdat dit ‘n belangrike bron van proteïene vir die kind is.
|
|
Ent in teen rooiwater
Rooiwater (Babesiosis) is ‘n dodelike siekte, maar inenting kan beesvrektes tot ‘n groot mate beperk, sê dr Francois van Niekerk van die Humansdorp Veterinêre kliniek in die maandelikse verslag oor dieresiekteneigings soos informeel gerapporteer deur die Herkouer Veterinêre Vereniging van Suid-Afrika (RuVASA).
Om ‘n paar bosluise op jou diere te los in die hoop dat hulle só immuniteit kan opbou, is nie die regte benadering om die siekte te beheer nie aangesien slegs ‘n klein presentasie van bosluise [0.04 – 0.23%] draers van die Babesia-parasiet is.
|
|
Perspektief
Implikasies van ‘n VSA studie oor die koolstofspoor vir SA beesvleisproduksie-stelsels.
Wêreldwyd en in SA is vleisbeeste uitgesonder as die veeproduksiesektor wat die meeste bydra tot kweekhuisgas (KHG)vrystelling, wat beteken ons beesboere behoort spesiale maatreëls in te stel om die op-plaas koolstof (C) voetspoor te beperk. Verskeie internasionale studies het tot die gevolgtrekking gekom dat weiding- of veldafrond- produksiestelsels meer KHG vrystel as voerkraalafrondstelsels (VAS). Hierdie studies het net een weidingbestuurstelsel ondersoek, naamlik aanhoudende beweiding, en hulle het aangeneem dat grond C nie verander nie toe hulle die omgewingsinvloed van weiding of veldafronding gemodelleer het.
|
|
|
|
|
Die jongste oor listeriose
In sy jongste verslag oor die Listeriose-uitbreking sê die Departement van Gesondheid 1 049 gevalle wat deur ‘n laboratorium bevestig is, is van 1 Januarie 2017 tot 5 Junie 2018 aangemeld.
Die aantal sake wat per week gerapporteer is, het afgeneem sedert die geïmpliseerde produkte op 4 Maart 2018 herroep is en altesaam 76 gevalle is sedert 5 Maart 2018 aangemeld.
Die opleiding van omgewingsgesondheidpraktisyns regoor die land is byna afgehandel. Altesaam 740 is tot dusver in sewe provinsies opgelei. Opleiding het plaasgevind in die Wes-Kaap, Limpopo, die Vrystaat en Noordwes.
‘n Strategie waarvolgens omgewingsgesondheidpraktisyns ‘n siftingstoets vir listeriose kan doen, is al sedert Junie 2018 in plek.
‘n Gekonsolideerde lys van vleisverwerkingsfasiliteite word ook saamgestel en risiko-beoordelings word deur distrikte gedoen. Die Departement van Gesondheid het reeds risiko-beoordelings van voedselverwerkingsfasilitiete van agt provinsies ontvang, waarvan 79 vleisverwerkingsfasiliteite is.
|
|
Groot afname in huidpryse verwag
Die rubriekskrywer van World Leather, David Peters, sê die huidige markdinamika dui daarop dat ‘n aansienlike daling in huidpryse verwag kan word.
Die Amerikaanse Departement van Landbou bereken dat daar tans meer as een biljoen beeste in die wêreld is, met kuddegroottes van 305 miljoen in Indië, 232 miljoen in Brasilië, 96,8 miljoen in China, 94,4 miljoen in die Europese Unie en 53,8 miljoen in Argentinië.
|
|
Vleisbedryf raak gevoelig oor name
Frankryk het sy landbouwetgewing onlangs aangepas sodat enige produk wat hoofsaaklik uit ander bestandele as vleis bestaan, in die toekoms nie toegelaat sal word om die naam van ‘n tradisionele vleisproduk te dra nie.
Dit beteken dat produkname soos “groente-steak”, “sojawors” of “bacon-geur repies” verbode sal wees.
Die argument is dat verbruikers mislei mag word om te dink dat sulke produkte regte vleis is.
Bron : https://www.independent.co.uk/life-style/food-and-drink/france-bans-meat-names-vegetarian-vegan-alternatives-a8330956.html
|
|
Die laaste maaltyd van ‘n antieke ysman
Ongeveer 5 300 jaar gelede is Otzi (ook bekend as gevriesde Fritz) vermoor met ‘n pyl in die bors en ‘n hou teen die kop.
Maar voor dit gebeur het, het die ysman van ongeveer 45 jaar ‘n laaste, goeie maaltyd geniet..
Sy lyk was tot die wetenskap se geluk netjies bewaar in ‘n grot waar dit op ‘n natuurlike manier in ‘n mummie verander het soos wat ysgletsers bo-oor hom beweeg het en sy maag se inhoud gevries het.
|
|
Speenkalfpryse het gestyg
Die gemiddelde pryse van speenkalwers (190 – 250kg minus veilingsfooie) het tydens die week van 20 Julie 2018 met 1,5% gestyg vergeleke met die vorige week.
Bulle van ‘n goeie gehalte (minder as 200kg gewig) het ‘n gemiddelde veilingsprys van R37,50/kg in Mpumalanga behaal. Die styging mag die gevolg wees van die lae voorrade wat tans in die mark beskikbaar is. Na verwagting sal die prys in die nabye toekoms sywaarts of afwaarts beweeg. Die gemiddelde prys van speenkalwers is 6,6% laer vergeleke met die dieselfde week ‘n jaar gelede.
|
|
Lamspryse behoort sywaarts te beweeg
Die produsenteprys van Klas A2/A3-lamsvleis het in die week van 13 Julie 2018 totaal met 11,6% gestyg en dit wil voorkom of die aantal A2/A3’s wat geslag is, meer was vergeleke met die vorige week.
Die styging in pryse is ‘n aanduiding dat daar minder oorskot van die vorige weke was. Pryse behoort in die nabye toekoms sywaarts of afwaarts te beweeg. Die gemiddelde prys van Klas A2/A3-lam is 7,1% hoër in vergelyking met dieselfde week ‘n jaar gelede.
|
|
Nuwe cooking with lamb webwerf
Gaan kyk gerus na die nuwe "Cooking with Lamb" webwerf. Enige kommentaar is welkom.
www.cookingwithlamb.com
|
|
|
|
|
