|
|
|
Prezada compañeira:
Prezado compañeiro:
Xa está aberta a inscrición para o Correlingua 2019! En correlingua.gal está dispoñíbel o calendario das festas finais e o formulario de inscrición. Nos primeiros quince días xa se inscribiron 4.000 rapazas e rapaces de 43 centros de ensino. E no teu centro, a que esperades? Traballo feito non mete apuro!!
Concursos escolares
Neste curso 2018-19 o Correlingua volve organizar os concursos de manifesto, banda deseñada e vídeo. Poderá participar no manifesto o alumnado de ESO e bacharelato e na BD o de infantil e primaria. O concurso de vídeo contará con dúas categorías, unha para ESO e bacharelato e outra para infanitil e primaria. As bases están dispoñíbeis na web do Correlingua, así coma os formularios de inscrición para o manifesto, vídeo e banda deseñada. O prazo para inscribirse remata o 1 de febreiro de 2019. Recordade que as propostas deberán centrarse no lema do Correlingua 2019, o galego é a fórmula, que reivindica a presenza da nosa lingua en todas as materias do ensino, tamén nas do ámbito científico.
Moitas grazas pola túa implicación!
|
|
|
|
|
|
| |