Copy
Iniciativa pol Asturianu nun solicita sovenciones. Sostiense gracies a les tos aportaciones económiques o de voluntariáu. Asóciate dende 20 euros al añu.



Iniciativa pol Asturianu celebra la bonísima recepción del so videu informativu sobre la oficialidá per parte de la sociedá asturiana

La organización quier agradecer a tola ciudadanía asturiana la bona acoyida del videu preparáu en rempuesta a les falses idees y argumentos espuestos pol PP de Cherines

Iniciativa pol Asturianu da les gracies a los diferentes medios de comunicación la importante difusión fecha del documentu que pudo vese n’informativos y en tolos principales medios informativos d’Asturies

Inaciu Galán, presidente d’Iniciativa pol Asturianu, celebró la bonísima recepción del videu informativu per parte de la sociedá asturiana. Galán añadió que “frente a manipulaciones, xeneralidaes y mentires que solo quieren emporcar la vida política d’Asturies dende Iniciativa pol Asturianu respondimos con argumentos sólidos, con rigor y seriedá”.

El presidente de la organización añadió que “tamos mui contentos col resultáu d’esta campaña: en poques hores en llegamos a casi 100.000 persones convirtiéndose esta publicación en viral. Los resultaos en redes sociales como Facebook, Twitter, Instagram o YouTube algamaron miles y miles de visites que sirvieron pa dar a conocer la postura y argumentos irrefutables sobre la oficialidá y los sos beneficios pa la sociedá asturiana. Gracies a esti videu muncha xente tá interesándose pola situación del idioma y ficiéronse socios d’Iniciativa pol Asturianu”. Lleer más

Iniciativa pol Asturianu sofita la declaración de los Sidros como BIC pol so compromisu col idioma

Diego Solís, vocal d’Iniciativa Pol Asturianu, fixo públicu’l sofitu de l’asociación a la declaración como BIC de calter inmaterial de los Sidros y Comedies de Valdesoto pol compromisu y usu de la llingua que faen nes sos actividaes y comunicaciones.

Lleer más
 

Iniciativa pol Asturianu recuerda a la presidenta del CMU que tovía puede matriculase nos cursos d’asturianu

Iniciativa pol Asturianu a traviés del so presidente, Inaciu Galán, quixo manifestar lo so sorpresa poles declaraciones de la presidenta del Conseyu de Mocedá d’Uviéu nes que decía nun entender un cartel del Conceyu d’Uviéu que s’alcuentra n’asturianu.

Lleer más



 

Iniciativa pol Asturianu pide al PP que dexe de mentir y d’utilizar l’asturianu pa emporcar la vida política 

Inaciu Galán, presidente de l'asociación dixo que “dende Iniciativa pol Asturianu pidímos-y al PP que dexe de mentir y d’utilizar l’asturianu pa emporcar la vida política d’Asturies, cuando tamos énte una cuestión de consensu tresversal”. Lleer más
 

Fai les práctiques con Iniciativa pol Asturianu

Iniciativa pol Asturianu y la Universidá d'Uviéu roblaron va dos años un Conveniu de Coperación Educativa ente dambes entidaes, col envís de qu'Iniciativa pol Asturianu acueya na so organización a alumnos en práctiques de cualesquiera de les titulaciones de la universidá asturiana. La organización ta agora en cata de persones interesaes en sumase al equipu de trabayu de la organización demientres el so periodu de práctiques de Grau, máster o títulu propiu. lleer más

Iniciativa pol Asturianu pide a los partíos que marquen una llinia clara de presencia del asturianu na RTPA

Dende Iniciativa pol Asturianu, ensin dexar de llau la responsabilidá del director de la RTPA na escasa ufierta de programación n’asturianu de la canal, queremos animar tamién a los verdaderos responsables últimos, los partíos de la Xunta Xeneral, esperando que tomen decisiones y faigan porque la RTPA tenga infraestructura y medios pa usar de forma más intensa l’asturianu.

Lleer más

Iniciativa revela que’l Gobiernu d’Asturies reconoz que se vulneró la llei al esixir a una ciudadana que nun usare l’asturianu

“Iniciativa pol Asturianu quier aprovechar p’agradecer la disculpa fecha dende la Secretaría Xeneral Técnica y el compromisu col cumplimientu de la Llei 1/1998 pela Conseyería d’Educación y Cultura d’Asturies. En tou casu, situaciones inaceptables como estes afiten, una vegada más, que la oficialidá de la llingua asturiana ye necesaria, nun val con dicir que l’asturianu yá ta protexíu cola Llei d’Usu o que yá ye suficiente una norma que s’incumple ensin nengún tipu de problema. Hai que dir más allá y que los drechos llingüísticos de les y los falantes d’asturianu tean reconocíos” remató’l presidente de la organización.

Lleer más

Iniciativa pol Asturianu na RPA

Tolos llunes de magar a les 12:15 de la mañana puedes sentir la collaboración d'Iniciativa pol Asturianu nel programa La radio es mía que presenta Pachi Poncela.

Tolos llunes siéntinos equí.

Nuevu horariu d'oficina

La oficina d'Iniciativa pol Asturianu alcuéntrase nel Hotel d'Asociaciones de Xixón n'avenida de Manuel Llaneza, 68, baxu.

Ellí puedes topanos de llunes a viernes de 9:00 a 13:00 hores.

 
boletín informativu
Ochobre 2018

Esti boletín ye un espaciu d'información pa los asociaos y asociaes d'Iniciativa pol Asturianu, amás d'aportar a xente a la que-y preste tar informao de la nuesa actividá. Animámoste a tar en contactu cola organización, a facenos llegar les tos propuestes, quexes, aportaciones. 



Ventayes de facese sociu...
consulta equí.

¿Cómo facese sociu en namás 2 minutos?
Facese sociu d'Iniciativa pol Asturianu ye mui cenciello y con ello ayudes al funcionamientu d'una organización que trabaya pol futuru del asturianu, con campañes, con diálogu y alcuerdos, denunciando los casos de discriminación, buscando soluciones pal futuru del idioma. Si quies participar d'esti proyectu, faite sociu simpatizante, dende 20 euros al añu, o miembru dende 60

-Faite sociu en 2 minutos equí.
 
-O pídinos la fueya d'inscripción:
info@iniciativapolasturianu.org
 
¡Tamos esperándote! Toma la iniciativa pol asturianu.
 



¿Quién somos?

Somos una asociación que trabaya pola normalización del idioma asturianu y pol reconocimientu de los drechos llingüísticos de los sos falantes. Atalantamos que l’asturianu ha ser vertebrador de la sociedá asturiana y que’l so usu ha ser treversal, afalando a les instituciones, organismos privaos y sociedá civil a tomar les midíes necesaries pa la so normalización como ferramienta de comunicación, elementu identitariu y patrimoniu cultural y económicu de la sociedá asturiana que ye. Iniciativa pol Asturianu ye un colectivu abiertu a toles persones esmolecíes pola situación del asturianu y comprometíes con cambiar esta situación. 
 

¿Qué facemos?

Trabayamos p’algamar espacios de normalidá pa la llingua asturiana, al traviés d’acciones concretes que mos permitan llegar a alcuerdos con entidaes de tou tipu que supongan afitar l’usu del asturianu n’ámbitos nuevosIniciativa pol Asturianu trabaya pola busca de consensos y alcuerdos sobre l’usu del asturianu, pero tamién fai usu de campañes reivindicatives nes situaciones nes que ye necesario.
 
¡Siéntilu nel ordenador o llévalu contigo nel to reproductor dixital!

Programes selmanales

Iniciativa pol Asturianu nes ondes emítese amás cada selmana en...

Onda Corvera (107.5 FM)
Radio Narcea (107.5 FM, Cangas)
Radio QK (107.3 FM, Uviéu)
Radio Sele (106.1 FM, Uviéu)
Radio Parpayuela (94.0 FM Mieres)
Radio Nava (108.0 FM, Nava)
Radio L.lena (105.8 FM, L.lena)
Radio Noreña (Siero y Noreña)
Radio Ujo (107.2 FM, Mieres)
Radio AllerFM (Ayer)
Radio Alma (101.9 FM, Bruseles)
Onda Peñes (107.2 Cabu Peñes)
ALDERIQUES D'ASTURIES: EL NUESU PROYECTU TELEVISIVU
Distribúi les noticies de forma llibre *|2011|* *|LIST:INICIATIVA POL ASTURIANU|*.
Email Marketing Powered by Mailchimp