Tēnā koutou kei ngā whānau
Tēnā koutou kei te hāpori
Tēnā koutou ko ngā mātā waka o te moana o Tauranga
Anei ētahi kaupapa korero kua whakatutukihia e te Kura.
 
Te miharo hoki ki te mātakitaki i ngā tamariki i runga i te whakatū waewae i te Rātapu.  Te mutunga kē mai o te pai.  Tuku atu ngā whakamihi ki ngā tangata katoa i hāpai i ā tātou nei tamariki.  Me mihi ka tika ki ngā tamariki o te rōpū Waipu, kua whiwhi i te tūranga tuatoru, ā ki a Matua Hira rāua ko Whaea Kiri mō tō kōrua whakapau werawera mō te kaupapa, ka nui te mihi!.  Thank you to all the individuals and whānau who worked tirelessly and voluntarily behind the scenes supporting all our rōpū.
 
Ka huri te kei o te waka kia mihia ki aua akomanga kua tuku tā rātou akoranga matihiko ki te MADE Awards i taua wiki.  Kua tutuki!
 
Turanga Tuatahi Music Video Tau 4-6 “Kawea te Reo”
Whaea Keeri me te akomanga o Te Awanui
 
Turanga Tuatahi Documentary “Kingitanga”
Matua Hira me te akomanga o Hautere
 
Turanga Tuarua Music Video Tau 1-3 “Rangi Pūkohukohu”
Matua Teaoterangi rātou ko Whaea Pā me te akomanga o Puwhenua
I wini ēnei i te pūtea nō Noel Leemings me ngā karetao (robotics).

Kaiako mō te tau hou
Kia mōhio mai koutou ko wai mā ngā Kaiako mō te tau hou anei te rārangi ingoa.
Kura Pōtiki
Tau 1 Tau 2 – Whaea Monique Rangi rāua ko Whaea Jan Baker
Tau 3 Tau 4 – Matua Karu Rangihau rāua ko Matua Teaoterangi Moore
Kura Mataamua
Tau 5 – Whaea Mandy Borell
Tau 5 – Matua Darren Royal
Tau 6 – Whaea Keeri Stanley-Kaweroa
Tau 6/7/8 – Matua Hira Hona
Kaiako hāpai – Whaea Tui Papuni
 
Te Whare Hou - New Buildings
Kua tau ngā whare hou ināianei, ka haere tonu ngā mahi kia rite katoa ngā akomanga mō te tau hou. 
 
Rā Whakamutunga mō te tau
Kua pātai mai ētehi āhea mutu ai te kura mō te tau nei, ko te
Rāmere 14 o Hakihea te rā whakamutunga mō te tau. Ka mutu te kura i
te 12 karaka.
 
Pōtae Kura
Kua tae tātou ki te wāhanga whakamutunga o te tau, te wā o te Raumati. Ko tēnei hoki te wā tika kia mau pōtae kura hei ārai i a Tamanui te Rā. Nō reira he inoi tēnei kia tirohia te kainga mō ngā pōtae kura, te hoko rānei he pōtae kura $15.99 mai i te Warehouse Pāpāmoa. He mea nui te whakaingoatia, te whakarite tohu rānei kia tere kite nō wai te pōtae.

Puna kaukau
Kua rite te puna kaukau ināianei. Ka mihi ki a Matua Gary mō ana mahi whakapaipai i te puna kaukau kia rite mō ngā wiki kei te toe tonu.  Āwhinatia mātou ki te tiaki i tēnei rauemi o tātou.  Kua tae mai ngā korero ko ētahi tamariki o te hāpori e piki ana i te taiapa, e ruku ana ki te puna kaukau nō te tuanui o te whare.  Kia mataara, kia haumaru.

Kākahu Ngaro
Aue te maha hoki o ngā koti me ngā kākahu e noho ana ki te Kura.
Whānau the pile of lost property is huge!   We must have over 30 jackets – with no name.  If we do not have these items of clothing collected by the end of term they will be taken to the clothing bin.  Kua roa e noho ana ēnei kākahu ki te kura.  Haere mai koa ki te titiro.  Kia mahara te whakaingoatia ngā kākahu kura.

Whanau Christmas Celebration Day
Nau mai haere mai tātou katoa ki tēnei kaupapa kia kai tahi, kia hui tahi ai tātou kia whakanui i tēnei tau.