Die  Ou Wingerd-projek (Old Vine Project – OVP) is begin deur Suid-Afrikaanse wingerdboukundige, Rosa Kruger, met jarelange internasionale ervaring met ou wingerdwyne.  Sy het vergete en verwaarloosde blokke opgespoor en na aansporing deur en ondersteuning van Johann Rupert, is die eerste lys van ou wingerde in 2005 opgestel.

Sy het dié wingerde bekend gestel aan vooraanstaande wynmakers soos Eben Sadie, Chris Alheit, Chris en Andrea Mullineux en die wynmakers van L'Ormarins. Só is die Ou Wingerd-reeks gebore en sedertdien is daar baie belangstelling onder wynmakers, asook die algemene publiek, om die ou blokke te bewaar en uitsonderlike wyne daarvan te maak. In 2016 het  Johann Rupert via die Rupert Stigting befondsing beskikbaar gestel om die Ou Wingerd-projek te formaliseer deur die ou wingerde in die grond te hou, bewusmaking aan te help en ‘n volhoubare model te skep om die boere dienooreenkomstig te vergoed.
Dis ‘n komplekse maar pragtige erfenis inisiatief.
 

Kom luister gerus na die storie en proe waarom
Ou Wingerd-wyne so spesiaal is.