|
Te Mātāuru: Haumitanga
I runga i te mahi tahi ki ngā kāhui o Te Tai Rāwhiti me Te Tai Hau-ā-uru, e harikoa ana a Te Mātāwai ki te pānui i te tuwheratanga o ētahi atu rauna haumitanga e rua a ngā Kāhui ā-Iwi.
|
|
Te Mātāuru: Investments
In partnership with both Te Tai Rāwhiti and Te Tai Hau-ā-uru kāhui (clusters), Te Mātāwai is delighted to announce the opening of two more Kāhui ā-Iwi investment rounds.
|
|
E hāngai tahi ana ngā mahere haumitanga a Te Tai Rāwhiti me Te Tai Hau-ā-uru ki te Rautaki Maihi Māori, ka mutu i whakamanahia i te hui a te Poari o Te Mātāwai i te Hakihea 2017. Kei te tuwhera ngā rauna haumitanga e rua ināianei, ā, ka kati te rauna mō Te Tai Hau-ā-uru ā te 5 i te ahiahi o te Rāmere, te 23 o Poutūterangi 2018, arā, ka kati te rauna mō Te Tai Rāwhiti ā te 5 i te ahiahi o te Rāpare, te 29 o Poutūterangi 2018. Toroa te Haumitanga a Te Mātāwai mō ētahi atu kōrero.
|
Both Te Tai Rāwhiti and Te Tai Hau-ā-uru investment plans align with the Maihi Māori Strategy and were approved at the Te Mātāwai Board hui in December 2017. Both investment rounds are now open.
The Te Tai Hau-ā-uru round closes at 5pm on Friday 23 March 2018 and the Te Tai Rāwhiti round closes at 5pm on Thursday 29 March 2018. Please visit Te Mātāwai Investments for more information. |
|
|
E whai ake nei ngā mema o te Pae Motuhake o Te Tai Rāwhiti:
• Jeremy MacLeod (Te Mātāwai)
• Phil Heeney (Ngāti Porou)
• Ruth Smith (Te Aitanga-ā-Mahaki)
• Mātai Smith (Ngāi Tāmanuhiri)
• Bub Te Kurapa (Rongowhakaata)
• Hira Huata (Heretaunga Tamatea & Ngāti Pahauwera)
• Ataneta Paewai (Rangitāne)
• Phillecity Ngarangione (Ngāti Rākaipaaka)
|
|
Members of the Te Tai Rāwhiti Pae Motuhake are as follows:
• Jeremy MacLeod (Te Mātāwai)
• Phil Heeney (Ngāti Porou)
• Ruth Smith (Te Aitanga-ā-Mahaki)
• Mātai Smith (Ngāi Tāmanuhiri)
• Bub Te Kurapa (Rongowhakaata)
• Hira Huata (Heretaunga Tamatea & Ngāti Pahauwera)
• Ataneta Paewai (Rangitāne)
• Phillecity Ngarangione (Ngāti Rākaipaaka)
|
|
|
E whai ake nei ngā mema o te Pae Motuhake o Te Tai Hau-ā-uru:
• Ruakere Hond (Te Mātāwai)
• Kura Moeahu (Te Upoko)
• Evan Hippolite (Te Upoko)
• Sean Bennett-Ogden (Horowhenua)
• Hohepa Isaac-Sharland (Horowhenua)
• Merekānara Ponga (Whanganui)
• Derend Quirk (Whanganui)
• Ruta Broughton (Taranaki)
• Te Poihi Campbell (Taranaki)
|
|
Members of the Te Tai Hau-ā-uru Pae Motuhake are also as follows:
• Ruakere Hond (Te Mātāwai)
• Kura Moeahu (Te Ūpoko)
• Evan Hippolite (Te Ūpoko)
• Sean Bennett-Ogden (Horowhenua)
• Hohepa Isaac-Sharland (Horowhenua)
• Merekānara Ponga (Whanganui)
• Derend Quirk (Whanganui)
• Ruta Broughton (Taranaki)
• Te Poihi Campbell (Taranaki)
|
|
|
E harikoa ana anō a Te Mātāwai ki te whakaū i te angitū o te rauna haumitanga a Tainui, ka mutu i hui te Poari o Te Mātāwai ki te whakamana i ngā tūtohunga i tāpaea ake e te Pae Motuhake o Tainui. E mahi ana a Te Mātāwai i tēnei wiki ki te whakapā atu ki te katoa o ngā kaitono o te kāhui o Tainui ki te whakamōhio atu i pēhea te āhua ki te tono a tēnā, a tēnā. Ka pānui tūmatanuihia ngā kōrero e pā ana ki te rauna haumitanga a Tainui ā tōna wā.
|
|
Te Mātāwai is also very happy to confirm that the Tainui Investment round was successful and that the Te Mātāwai Board met to approve the reccommendations put forward by the Tainui Pae Motuhake. Te Mātāwai is in the process of contacting all applicants to the Tainui Cluster to inform them of the status of their respective applications. There will be a public announcement regarding the Tainui Investment round in due course.
|
|
Te Mātātupu: Mahi Rangahau
Kei te tūāpapa o te Rautaki Maihi Māori me te hōtaka haumitanga a Te Mātāuru ko Te Mātātupu, tētahi anga me tētahi mahere rangahautanga reo Māori pakari tonu.
|
Te Mātātupu: Research
Underpinning both the Maihi Māori Strategy and the Te Mātāuru investment programme is Te Mātāwai’s robust Māori language research framework and plan Te Mātātupu.
|
|
|
Kua kirimanahia e Te Mātāwai a Te Wāhanga, arā, e te New Zealand Council for Education Research (NZCER) mō tētahi o ētahi hōtaka hou, ka mutu mā te mahi tahi e hangaia ai he putunga raraunga whānui o ngā kaupapa me ngā rauemi whakarauora i te reo Māori kua whāia i te whānuitanga atu o te motu i ngā tau e rima ka hipa.
|
|
Te Mātāwai has commissioned the services of the New Zealand Council for Education Research (NZCER) and together we will create a database of te reo Māori revitalisation activities and resources developed across the country in the past five years.
|
|
|
Kāore he utu ki te tangata ka hiahia whakamahi i te putunga, he āwhina hoki kei te putunga e tukua whānuitia ai te whakaaro, e āta maheretia ai hoki te āhua o te tautoko i te whakarauoratanga o te reo Māori.
|
The database will be free for anyone to use, and will help people share ideas and plan their support for te reo Māori revitalisation.
|
|
|
E kohia ana ngā kōrero mō te putunga raraunga i tētahi rangahautanga tuihono "He Reo Ora", i whakaterea inanahi, ka mutu he karanga tēnei kia whai wāhi mai koe ki te kaupapa kia whakahaumanutia te reo Māori kia noho anō ai hei reo ūkaipō – “kia ūkaipō anō te reo”.
|
|
We are collecting information for the database through an online survey "He Reo Ora" that was launched yesterday and we’d like to invite you to participate so that Te reo Māori is restored as a nurturing first language – “Kia ūkaipō anō te reo”.
|
|
Te Matatū: Te Ārahi me te Aroturuki
I raro i Te Ture mō Te Reo Māori 2016 he kawenga ā Te Mātāwai ki te tautapa tangata, ki te kopou tāngata anō ki ngā Poari Hinonga Karauna, arā, ki Te Taura Whiri i te Reo Māori, ki Te Māngai Pāho, me Te Aratuku Whakaata Irirangi Māori.
|
Te Matatū: Leadership and Monitoring
Te Ture mō Te Reo Māori 2016 provides Te Mātāwai with several statutory functions including making nominations, and appointments to Crown Entities Boards Te Taura Whiri i te Reo Māori, Te Māngai Pāho, and the Māori Television Service.
|
|
|
I hui te Komiti Whāiti Tautapa a Te Mātāwai ki te matapaki i te tūranga kua wātea mai i te Poari o Te Aratuku Whakaata Irirangi Māori i te rihainatanga a Piripi Walker. Ka mihi a Te Mātāwai i konei ki a Piripi mō āna mahi i te Poari. Taihoa ake nei puta ai he pānui e pā ana ki te kopounga o tētahi mema hou ki te Poari.
|
|
Te Mātāwai’s Nominations Subcommittee met to discuss the vacancy on the Board of the Māori Television Service, following the resignation of Piripi Walker. Te Mātāwai would like to take this opportunity to thank Piripi for his service to the Board. A pānui regarding the appointment of the new board member will be made in due course.
|
|
|
I harikoa anō a Te Mātāwai ki te hui atu ki te Komiti Kōwhiri Take Māori i te Pāremata i te Raapa, te 21 o Huitanguru 2018. I reira ka mihia e te Tumu Whakarae, e Te Atarangi Whiu me tētahi o ngā Hoa Toihau, e Waihoroi Shortland te wāhi ki te Komiti ki te tautoko i te Ture mō te Reo Māori hou, nāna nei a Te Mātāwai i whakatū.
|
|
Te Mātāwai also welcomed the opportunity to meet with the Māori Affairs Select Committee in Parliament on Wednesday 21 February 2018. Where the Tumu Whakarae Te Atarangi Whiu and our Hoa-Toihau Te Waihoroi Shortland acknowledged the role the Committee had in supporting the new Māori Language Act which established Te Mātāwai.
|
|
|
I tāpaea e Te Mātāwai tana Tauākī Whāinga 2017-2021 ki te aroaro o te Komiti Kōwhiri Take Māori. Kei roto ngā kōrero whāiti e whakamārama ana ko wai mātou, tā mātou Rautaki Maihi Māori, ka pēhea te āhua o tā mātou whai ki te mahi tahi ki ngā iwi/Māori me te wāhi ki a mātou i roto i Te Whare o Te Reo Mauri Ora, i runga anō i te whai whakaaro ki te motuhaketanga o te wāhi ki te Karauna me Te Mātāwai ki te whakarauora i te reo Māori.
|
|
Te Mātāwai took the opportunity to provide the Māori Affairs Select Committee with the Te Mātāwai Statement of Intent 2017-2021 outlining in more detail who we are, our Maihi Māori Strategy, how we intend working in active partnership with iwi/Māori and also our role within Te Whare o Te Reo Mauri Ora acknowledging the distinct roles both the Crown and Te Mātāwai have in respect of te reo Māori restoration.
|
|
|
|
|
