Handel in donkievelle moet stop
Die Lewendehawewelsynskomitee (LWCC) gaan ‘n inisiatief van die Rooivleisbedryfsforum ondersteun om ‘n moratorium op die handel in donkievelle te plaas.
Tydens die laaste vergadering van die LWCC het die vergadering kennis geneem van die feit dat Lesotho, Botswana en Namibië reeds veranderinge aan hulle wetgewing oor die verhandeling van donkievelle aangebring het, maar Suid-Afrika het nog niks daaraan gedoen nie.
Die vergadering het ook die onthoring van beeste met kastrasie-ringe bespreek. Dit is volgens die RPO ‘n onaanvaarbare metode van onthoring. ‘n Verklaring van die LWCC in dié verband gaan dit duidelik maak dat die gebruik van rekke of bande om beeste te onthoring, heeltemal onaanvaarbaar is.
Die vergadering het verder kennis geneem dat ‘n SAPRO-wet aanvaar is en die Medisynebeheerwet sal vervang. Dit het ‘n afdeling oor mediese toestelle bevat, wat meer op menslike behandeling gerig was.
Met die nuwe wet gaan mediese toestelle egter binnekort geëvalueer word op gehalte, veiligheid en doeltreffendheid. Dit sal ook welsynsaangeleenthede insluit wat beheer sal word. Die LWCC sal toesien dat die welsynskomponent van die evaluasie voldoende is.
|
|
RPO Noord-Kaap 2018 Rooivleis-byeenkomste
RPO Noord-Kaap bied in Maart verskeie Rooivleisbyeenkomste aan met die Tema:" Hoe om volhoubaar te bemark in 'n veranderde politieke en ekonomiese omgewing"
Die byeenkomste vind op 6 Maart op Calvinia plaas, 7 Maart op Kenhardt, 8 Maart op Groblershoop.
Vir meer besonderhede kontak Dirk Krapohl by Tel 053 832 9595 of Sel 082 604 1320.
|
|
Jongboere hou konferensie
Die TLU SA Jongboerkonferensie vind op 15 Maart 2018 by die Lezar-opstal in Heidelberg plaas.
Temas wat toegelig gaan word, sluit in die huidige politieke ontwikkeling en die implikasies daarvan vir die boer asook waardetoevoeging tot jou beeskudde.
Bespreek deur op die volgende skakel te kliek: http://tlu.co.za/index.php/af/37-afrikaans/552-jongboerkonferensie.html
|
|
Tekort aan rooivleis kan tot depressie ly
Daar is geen tekort aan lof vir vegetariese diëte nie, maar nuwe navorsing dui daarop dat mense wat nie rooivleis eet nie, depressief kan raak.
‘n Span navorsers van die Verenigde Koninkryk en Amerika het besluit om te bepaal of mense wat as vegetariërs geïdentifiseer is, ‘n groter waarskynlikheid sal hê om aan depressie te ly.
|
|
Beesboere moet saamwerk
2018 sal die jaar wees waarin alle eienaars van beeste saamwerk om seker te maak dat alle koeie tussen vier en agt maande oud teen beesbrusselose ingeënt word met Stam 19 of RB51. Dit is verpligtend ingevolge die wet!
In ‘n maandelikse verslag oor dieresiekteneigings het die Herkouer Veterinêre Vereniging van Suid-Afrika (RuVASA) informeel gerapporteer dat die vrystelling van die brusselose-bakterie dramaties verminder wanneer beeste ingeënt word.
|
|
|
Perspektief
Beïnvloed produksiestelsel werklik vetsuursamestelling in beesvleis?
Spiersamestelling in beeste kan deur ouderdom van die dier, voerprogram, groeibevorderaars en karkasvariasie by slagting beïnvloed word. Daar is getuienis dat die tipe dieet die bruto- en vetsuursamestelling van beesvleis kan verander. Die literatuur wys dat vleis van beeste wat op weiding afgerond word gesonder is as beesvleis vanaf voerkrale weens ‘n laer vetinhoud en ‘n meer gewenste vetsuurprofiel. Beesvleis vanaf weiding het gewoonlik ‘n hoër inhoud van CLA, n-3 PUFAs en onversadigde tot versadigde vetsuurverhouding, en ‘n laer n-6/n-3 verhouding, sowel as ‘n laer versadigde vetsuurinhoud en n-6 PUFAs as beesvleis vanaf weiding.
|
|
|
|
|
RPO en NWKV vergader in die Vrystaat
Die RPO en NWKV bied in Maart verskeie streeksvergaderings in die Vrystaat aan met die tema: ‘My biosekuriteit. My vee, my plan, my sukses’.
Die vergaderings vind op 6 Maart op Vrede plaas, 7 Maart op Harrismith, 8 Maart op Reitz, 13 Maart op Senekal, 14 Maart op Bultfontein, 15 Maart op Bothaville, 20 Maart op Wepener en 27 Maart op Edenburg.
Vir meer besonderhede, kontak Corine by 079 529 5000 of Hannelie by 051 447 3023.
|
|
Klas A-bokvleis in blou gemerk
Die Departement van Landbou, Bosbou en Visserye het ‘n versoek van die RPO en die SA Boktelersvereniging toegestaan dat Klas A-bokke (lammers) voortaan met blou ink gemerk word en nie die oranje ink soos tans deur regulasies voorgeskryf word nie.
Die Departement het besluit om dié versoek by wyse van dispensasie te implementeer totdat dit formeel in die regulasies opgeneem kan word. Daar sal nie later nie as 1 Mei 2018 van oranje na blou ink oorgeskakel word.
Die toestemming is onderhewig aan die volgende voorwaardes:
- Dat aan al die ander voorskrifte van die betrokke regulasies voldoen sal word,
- dit kan enige tyd teruggetrek word weens ‘n geldige klagte,
- alle abattoirs wat kleinvee slag (die bokbedryf) onthef die Direktoraat van Voedselveiligheid en Gehalteversekering en die Departement van Landbou, Bosbou en Visserye van enige blaam weens nadele, hetsy finansieel of andersin, wat weens die toestemming mag ontstaan.
- die beëindigingsdatum is die dag en datum wanneer die wysiging van die betrokke regulasies in die Staatskoerant gepubliseer is.
|
|
Bloutong-entstof is beskikbaar
Onderstepoort Biologiese Produkte (OBP) het aangekondig dat ‘n Bloutong-entstof nou beskikbaar is.
Kontak die OBP se inbelsentrum vir meer besonderhede:
012-522-1684/5/7 of e-pos by ordersloc@obpvaccnes.co.za
|
|
Registrasiefooie verhoog
Die Departement van Landbou, Bosbou en Visserye het aangekondig dat die fooi vir die registrasie van ‘n diere-identifikasiemerk van 1 April 2018 na R145,00 verhoog word.
Die fooi vir die oordra van ‘n diere-identifikasiemerk sal ook na R145,00 verhoog, terwyl dieselfde bedrag betaalbaar is vir afskrifte van die diere-identifikasiemerksertifikaat; vir ‘n aansoek om pligte as skutmeester of die pligte as ‘n merkoperateur.
Alle aansoeke moet vergesel wees van ‘n bewys van posadres en indien Departementele- or SAPS-adresse gebruik word, moet ‘n afskrif van die Departement ingesluit word. ‘n Ekstra fooi van R30,00 is betaalbaar deur kliënte wat hul sertifikate per geregistreerde pos wil ontvang.
|
|
Koolstofbelasting op vleisproduksie?
Koolstofbelasting vir die landbousektor is nie ‘n onmiddellike bedreiging in Suid-Afrika nie, maar ons kan in die toekoms druk verwag.
Sommige beleggers glo regerings regoor die wêreld sal ‘n manier kry om vleisproduksie te belas in ‘n poging om openbare gesondheid te verbeter en die vrylatingsteikens te bereik soos uiteengesit in die Parys Klimaatooreenkoms.
|
|
Groeiende produksie bedreig beesvleispryse
Groeiende internasionale beesvleisproduksie bly ‘n bedreiging vir globale beesvleispryse, volgens ABSA Agri Trends.
Plaaslik mag beesvleispryse teen die middel van die maand sywaarts verhandel en ietwat verstewig na die einde van die maand toe.
Internasionaal
Gedurende die week van 16 Februarie het Nieu-Seelandse bulle sywaarts verhandel teen NZ$ 5.45/kg en koeie het sywaarts verhandel teen NZ$ 4.12/kg onderskeidelik vergeleke met die vorige week.
|
|
Wêreldwye lamsmarkte staan nog sterk
Internasionale lamsmarkte is steeds stewig, volgens ABSA Agri Trends.
Verwagte voortgesette knap wêreldwye voorrade, veral uit Australië en Nieu-Seeland behoort die mark in die onmiddellike toekoms stewig te hou.
Plaaslik mag pryse oor die kort termyn sywaarts beweeg en nader na die Paasnaweek toe opwaarts neig. Lam- en skaapvleis bly die duurste vleis in die mark.
|
|
|
|
|
