Բարեւ ձեզ սիրելիներ,
Մեր փոքրիկ մոլորակը կը շարունակէ դառնալ արեւին շուրջ, հակառակ բոլոր տուն մնալներուն եւ տուն մնալէն ձանձրացողներուն։ Ամիսը սկսանք մեր առանձնացած տունիկներով, ըսինք «այս Ապրիլ ալ ասանկ»։ «Քեզի՞ պիտի հարցնեմ», ըսաւ մեր մէջի ըմբոստը։ Յայտնաբերեցինք, որ լէպլէպուն հայերէն մը ունի եղեր՝ «մուրկ»։ Քիչ մը սիրոյ մասին չմտածէի՞նք, Զահրատին հարցուցինք։ - Հոն սէրը մնաց առանձին, ըսաւ մեր բանաստեղծը։ Ապրիլ 24-ի գիշերը ըսինք մէկ բառ հազար պատկեր կ՚արժէ, եւ «կեանք» գրեցինք, ճերմակ սեւի վրայ։
Այս ամսագիրին մէջ ընտրուած աղուորներէն աւելին տեսնելու համար - քիչ մը խնդալու, քիչ մը յուզուելու եւ քիչ մըն ալ պայքարելու համար - չմոռնաք այցելել մեր կայքէջը։
|
|
