View this email in your browser

Fréttabréf FSÍ

8. maí 2020

Fimleikaþing 2020

Fimleikaþing var fyrirhugað 6. júní 2020. Skv. 6. gr. laga sambandsins skal boða til þingsins með minnst átta vikna fyrirvara sem var 11. apríl, þegar að Covid-19 var í hámarki í landinu og óvíst hvernig framvinda mála yrði. Nú hafa yfirvöld talað um að í næstu afléttingu á takmörkunum muni samkomubannið fara í 100 manns í sama rými. Þar sem að fleiri en 100 er boðið á Fimleikaþing og ÍSÍ hefur gefið út að ekki megi stytta fyrirvara á boðun þingsins, hefur stjórn FSÍ ákveðið að þinga þegar að starfið hefst á ný í haust. Við munum senda dagsetningu og boðun út á næstu dögum.

Eurogym 2020

Nýjar dagsetingar fyrir Eurogym voru tilkynntar í vikunni og fer hátíðin fram dagana 4. – 8. júlí 2021. Sýningarhátíðin European Gym For Life Challenge verður laugardaginn 3. júlí. Erlendir þátttakendur sem voru skráðir, halda sinni skráningu og er því von á fjölmennri fimleikahátíð næsta sumar. Á haustmánuðum tökum við upp þráðinn að nýju og hefjum skráningar fyrir íslensku félögin. Við værum þakklát ef þið gætuð kynnt nýjar dagsetningar fyrir iðkendum og foreldrum.

Fyrsta vikan í salnum

Nú er fyrsta vikan í afléttingunni senn á enda og góðar fréttir berast úr hreyfingunni okkar. Fyrsta aflétting á takmörkunum tók gildi 4. maí og gildir til 1. júní nk. Stjórnvöld endurmeta þörf á takmörkuninni eftir því sem efni standa til, þ.e. hvort unnt sé að aflétta henni fyrr eða hvort þörf sé á að framlengja gildistíma hennar.

Á meðan við njótum þess að vera komin í salinn aftur og hitta iðkendur eftir langa bið, þá biðjum við ykkur að veita sérstaka athygli þeim sem eru ekki að koma aftur. Gefum okkur tíma í að rýna brottfallið, ef eitthvað er, og reynum að setja okkur í samband við foreldra og athuga hvers vegna iðkandinn er ekki að skila sér. Fréttaflutningur af erfiðum aðstæðum heimafyrir og að tilkynningum þess efnis hafi fjölgað, gefa tilefni til að biðja ykkur að veita athygli ef einhver iðkandi virðist búa við vanrækslu, þá er átt við skort á þrifnaði, umhyggju, iðkendur ekki sóttir o.s.frv. Ef þið verðið uppvísa að slíku, þá skal leita til viðeigandi fagaðila með málefnið.

Hér má finna leiðbeiningar frá ÍSÍ – bæklingurinn heitir Viðbragðsáætlun við óvæntum atburðum og kemur inn á marga gagnlega þætti.

Við “hittumst” á teams fundi á mánudag, þar sem við förum saman yfir fyrstu vikuna og framhaldið.

Sólveig Jónsdóttir
Framkvæmdastjóri | Secretary General
+354 514-4061 | +354 895-8880 (mobile)
Fimleikasamband Íslands | Icelandic Gymnastics Federation

Allar upplýsingar sem fram koma í þessum tölvupósti eru trúnaðarmál.
Þær eru eingöngu ætlaðar skráðum viðtakanda eða viðtakendum.
Öllum öðrum er óheimill aðgangur að þessum tölvupósti.
Ef þú ert ekki sá sem tölvupósturinn er ætlaður er þér óheimilt
að upplýsa um hann, afrita hann eða dreifa honum.

Fimleikasamband Íslands
Engjavegur 6 | 104 Reykjavík | Ísland
fsi@fimleikasamband.is | www.fimleikasamband.is | s: 5144060

Want to change how you receive these emails?
You can update your preferences or unsubscribe from this list.