Dames & Here,


Hier volg Desember en Januarie se nuusbrief. 

Baie welkom terug. Hoop al die lede het goed gerus end at julle ‘n voorspoedige 2020 gaan hê.

Ons is baie dankbaar vir die reën wat geval het. Die baan is mooi groen en die gras groei met ‘n spoed. 

Dit is met leedwese dat ons die afsterwe van PW Conradie moet aankondig. 

 

Lede Versoeke, Probleme en Voorstelle:

Die bestuur doen weer ‘n beroep op alle lede om enige versoeke, probleme, onduidelikhede en voorstelle na ons te bring vir bespreking. 

Dit is takbeleid dat ons lede met bogenoemde na die takbestuur sal kom om sake te bespreek wat tot almal se voordeel strek. 

Ons gee graag weer die volgende reels deur vir die gebruik van die baan:

1. Die baan is nie beskikbaar op Christelike vakansie dae en Sondae nie.
2. Geen ligspoor ammunisie  (tracers) mag gebruik word op die baan nie.
3. Daar mag nie na diere (ape, bobbejane, jakkalse, koedoes, tarentale, ens.) op die baan geskiet word nie.
4. Skakel die baanopsigter (Braam le Roux) voordat u die dorp verlaat en bevestig of die baan beskikbaar is vir die tydperk. 
5. Geen opdragte mag aan die baanopsigter gegee word nie. Hy sal slegs opdragte uitvoer afkomstig vanaf die uitvoerende bestuur. Enige voorstelle moet asb aan bestuur deurgegee word.

Die datums van vergaderings, skietdae, asook opleiding is op die webblad (www.hartbees.co.za) beskikbaar. Die meeste van 2020 se vergaderings en skietdae is alreeds op kalender beskikbaar. Opleiding datums sal binnekort volg.

Baanfooie is betaalbaar vanaf Feb 2019. Baanfooie beloop R400 vir lede, en R300 vir seniors. Koeponne is beskikbaar teen R100 per koepon. 

 

TERUGVOER VANAF BESTUUR:

• Koeponne en baanfooie (kontant) kan by my kantore aangekoop word:
  • Lektratek Water Tegnologie, 22b Forsmannstr, Potchindustria.
  • Kontak persoon: Elsabè van der Walt.
• EFT kan soos per webblad gedoen word.
• Koeponne is ook beskikbaar by Advance Gunsmithing, CFJ du Plessis gebou, 390 Walter Sisulu laan, Potchefstroom.
• Hou die spasie dop ----- ons is besig met die beplanning vir die uitbreiding van MDS bane. Bestuur is baie opgewonde en verdere inligting volg binnekort.
• Ons eerste takskiet vind plaas op 18 Januarie. Ons bied ook ‘n Presidentskiet aan op 22Februarie. Meer inligting volg binnekort.

Baansake

HEK KONTROLE:


CBS Security is verantwoordelik vir Hekkontrole.

1. Skakel vir Braam (071 374 6938) voor jy vertrek na die baan.
2. By die hek (Syferfontein plaashek of rooi hek) gaan jy vir CBS (066 307 2984) se beheerkamer moet kontak vir toegang. Hulle gaan jou naam en van, lidnommer, en wagwoord verlang voordat jy toegang tot die baan gegun sal word. Wagwoord word verskaf per SMS wanneer jou baanfooi van R400 betaal is vir 2019.
3. Sien www.hartbees.co.za vir meer inligting rondom die betaal van fooie
4. Vir enige problem rondom toegang kan Christi Bester (083 800 1033) gekontak word.
5. HEK KONTROLE GAAN STRENG BEHEER WORD!!!
6. Die baan en fasiliteite is nie op Sondae beskikbaar nie.

Indien die ELEKTRONIESE HEK nie die dag FUNKSIONEER NIE moet ASB nie die hek OOP FORSEER nie. 

Die .22 baan is (NOGSTEEDS) gesluit vir lede en sal slegs beskikbaar wees op volgende voorwaardes:
Op amptelike skietdae soos per die kalender
Wanneer ’n oefening plaasvind onder die toesig van ’n baanoffisier.
Die sluiting van die .22 baan sal opgehef word sodra die keerwal die nodige aandag kry en verhoog kan word. Enige voorstelle of hulp is welkom. Kom gesels met bestuur.

Plaaslike Polisie Kantoor

Ons plaaslike kantoor is ons taklede steeds baie goedgesind en gaan uit hul pad om ons te akkomodeer sover hulle kan. Respekteer asseblief ook hulle posissie om ons verhouding te versterk. 

Let wel:

1. Die plaaslike kantoor neem nie aansoeke op Vrydae nie. Dit is ‘n interne reëling wat hulle gemaak het om agterstallige administrasie op te vang. Hulle gaan dit nie op ‘n skrywe kommunikeer nie.
2. Alle afskrifte moet gesertifiseer word! Doen dit vooraf. Geen aansoeke gaan hanteer word as dit nie gedoen is nie.

Lede wat uitstaande lisensiekaarte het moet asb verseker dat dit afgehaal word so gou moontlik om te voorkom dat dit terug gestuur word. Lede wat langer as ses maande wag vir lisensiekaarte moet asb vir Petrus Swart (petrus@sahunt.co.za) by SAJWV hoofkantoor kontak. Hy sal jou bystaan en terugvoer gee. Let wel dat die aansoeke vir Semi-Auto gewere (AR’s) nou strenger ondersoek gaan word. Ons verwag problem met aansoeke.

Rekenaar

Die tak het nou ook ‘n Facebook blad waarby ons alle lede wil aanmoedig om inligting te bekom oor takvergaderings, takskiet dae, promosies en allerlei inligting.

Alle inligting is beskikbaar op die web (www.hartbees.co.za).

Navrae moet die volgende inligting bevat : Naam, Voorletters, Van, LID NR en E-pos adres.

Sonder die inligting kan ons geen navrae beantwoord nie.

Daar is by elke takvergaderig 'n lid van die rekenaarspan beskikbaar om navrae te hanteer.

Onthou om op die tablet jou teenwoordigheid aan te teken.

Om enige advertensies te plaas op die webtuiste, skakel asb die Webmeester. Kontak besonderhede is beskikbaar op die webtuiste.

Opleiding

Vir inligting oor die volgende kursus kontak Johan Oelofse (082 446 2262).Meer inligting is ook op ons kalender op die webwerf beskikbaar.

Inyathipark Nuus

KINDLY READ THE NEWSLETTERS FROM OUR CEO, FRED CAMPHOR