Fræðslufundur um Sáttmála SÞ um réttindi fatlaðs fólks
Námskeið um Sáttmála Sameinuðu þjóðanna um réttindi fatlaðs fólks fór fram á Grand hóteli í Reykjavík mánudaginn 3. febrúar sl.
Meðal frummælenda á fundinum var Rannveig Traustadóttir, prófessor við Háskóla Íslands, Sigurjón Unnar Sveinsson, lögmaður ÖBÍ og Bergur Þorri Benjamínsson, formaður Sjálfsbjargar. Einnig voru á fundinum sýnd mjög áhugaverð innslög frá notendum NPA á Íslandi þar sem þeir lýsa því hvernig NPA hefur breytt lífi þeirra.
Erindin voru tekin upp og má finna þau á síðu fundarins.
|
Samband íslenskra sveitarfélaga leggur Lífskjarasamninginn, sem gerður var á almennum markaði á síðasta ári, algjörlega til grundvallar í kjaraviðræðum við stéttarfélög enda hefur hann þegar skapað skilyrði til lægri vaxta og minni verðbólgu.
Samband íslenskra sveitarfélaga hefur unnið samantekt um fjárhagsáætlanir sveitarfélaga. Um er að ræða fjárhagsáætlanir 70 sveitarfélaga af 72, en í þessum sveitarfélögum búa nærfellt allir íbúar landsins. Þar kemur m.a. fram að sveitarfélögin gera ráð fyrir að rekstrarniðurstaða A-hluta verði aðeins verri á árinu 2020 en fjárhagsáætlun 2019 fól í sér, eða sem nemur 1,8% af tekjum í stað 2,5%.
