Næsti umsóknarfrestur samstarfsverkefna Erasmus+
er 24. mars kl. 11:00
Umsóknarfrestur fyrir samstarfsverkefni (Key Action 2) innan menntahluta Erasmus+ er 24.mars næstkomandi, kl.11 að íslenskum tíma.
Þau sem hafa hugsað sér að sækja um eru hvött til að skoða vefsíðu Erasmus+. Þar eru upplýsingar um skilyrði umsókna, hvernig umsókn er metin, upphæðir styrkja og umsóknarfresti.
Við hlökkum til að taka á móti nýjum umsóknum frá ykkur og kynnast þeim áformum sem þið hafið um fjölbreytt og flott evrópskt menntasamstarf.
Erasmus+ og Covid-19 kórónaveiran
Útbreiðsla COVID-19 veirunnar hefur eðlilega vakið upp spurningar meðal þeirra sem hlotið hafa styrk úr Erasmus+ og European Solidarity Corps (ESC). Við leggjum mikla áherslu á að þátttakendur kynni sér vel upplýsingar á vef landlæknis og fylgi þeim ráðleggingum sem þar eru gefnar. Ákvörðunin um að fara í ferðir á vegum áætlananna liggur alltaf hjá þátttakendum sjálfum og við gerum allt sem við getum til að koma til móts við þá í þessum sérstöku aðstæðum. Lesa tilkynningu til styrkþega Erasmus+ vegna Covid 19.