|
|
|
Alumnado gañador do manifesto e o vídeo de secundaria 2018
Concursos Correlingua 2019
O Correlingua organiza para a súa edición de 2019 os concursos escolares de manifesto, banda deseñada e vídeo. O alumnado de ESO e bacharelato poderá participar nos de manifesto e vídeo, mentres que para infantil e primaria está programado o concurso de BD e tamén unha categoría propia no de vídeo. No 2018 as mozas e mozos que gañaron os concursos de manifesto e vídeo de secundaria pasaron dous días en Alvarella Ecoturismo onde gozaron dun roteiro polas Fragas do Eume ou unha visita ao Museo Etnográfico da Capela, entre outras actividades. As nenas e nenos gañadores da BD e o vídeo de primaria visitaron a Casa-Museo Manuel María e tiveron alí unha actuación só para eles de Paco Nogueiras. Podedes ver algunhas fotos dos premios na nosa web. Animádevos a participar este ano co voso alumnado para gozar de premios coma estes!
As bases e os formularios de inscrición están dispoñíbeis en correlingua.gal/bases e o prazo de inscrición remata o 1 de febreiro de 2019. Recordade que as propostas deberán centrarse no lema do Correlingua 2019: o galego é a fórmula, que reivindica a presenza da nosa lingua en todas as materias do ensino, tamén nas do ámbito científico.
Boas festas!!
Desde o Correlingua queremos desexarvos un bo remate de ano e que pasedes unhas boas festas. En xaneiro esperámosvos coas baterías cargadas de ideas nas que o galego sexa a fórmula!
|
|
|
|
|
|
| |