Iniciativa va acudir a la manifestación del 6 d’abril cola so pancarta del consensu constitucional pola oficialidá
Iniciativa pol Asturianu anunció que va acudir a la manifestación pola oficialidá convocada pa esti sábadu 6 d’abril pola XPDLA en Xixón
Iniciativa pol Asturianu va participar na convocatoria d’esta manifestación, como yá ocurría l’añu pasáu, con una pancarta qu’embaxo’l títulu “Oficialidá, el camín constitucional de futuru pal asturianu”, van llevar cargos orgánicos, públicos y militantes de tolos partíos presentes na Xunta Xeneral. Iniciativa pol Asturianu convidó a les fuercies polítiques que lleven la oficialidá nel so programa, FSA-PSOE, Podemos, Izquierda Xunida y Foro, a llevar representantes que porten la pancarta, amosando la tresversalidá de la reivindicación de la oficialidá.
Lleer más.
|
|
|
Iniciativa pol Asturianu llogra que se corrixan señales colos topónimos incorrectos
Iniciativa pol Asturianu acaba de presentar una quexa formal al Conceyu de Siero y a la Conseyería d’Infraestructures, Ordenación del Territoriu y Mediu Ambiente polos últimos cambeos de señalización na parroquia de La Collá.
Gracies a esta denuncia d'Iniciativa pol Asturianu, la Conseyería d'Infraestructures camudó les señales.
|
Iniciativa pide a la Ministra d’Educación que dexe aprobada la especialidá docente enantes de les elecciones
"Esta decisión ye una cenciella cuestión de voluntá política y nun tien que tener vinculación cola oficialidá del idioma, sinón que namás supón cambiar el decretu d’especialidaes”.
Lleer más
|
L’asamblea executiva del CMX posiciónase a favor de la oficialidá del asturianu
Iniciativa pol Asturianu presentó n’asamblea executiva una propuesta de resolución a favor de la oficialidá de la llingua asturiana. Esta proposición cuntó col sofitu de la mayoría de les asociaciones ellí representaes.
Lleer más
|
Iniciativa cuntará con un puestu nel Mercáu popular de Noreña
Iniciativa pol Asturianu tará presente esta fin de selmana nel Mercáu popular y tradicional de Noreña con un puestu informativu onde cuntaremos con diferentes materiales de la entidá.
L’eventu va cellebráse esti sábadu 6 y el domingu 7 d’abril y tará allugáu nuna carpa na Plaza de la Cruz de la Villa Condal.
El puestu de la organización tará abiertu los dos díes de 10:00 a 13:00 hores y de 16:00 a 20:30 hores.
|
Fai les práctiques con Iniciativa pol Asturianu
Iniciativa pol Asturianu y la Universidá d'Uviéu roblaron va dos años un Conveniu de Coperación Educativa ente dambes entidaes, col envís de qu'Iniciativa pol Asturianu acueya na so organización a alumnos en práctiques de cualesquiera de les titulaciones de la universidá asturiana. La organización ta agora en cata de persones interesaes en sumase al equipu de trabayu de la organización demientres el so periodu de práctiques de Grau, máster o títulu propiu. lleer más |
|
Iniciativa pol Asturianu homenaxeó a les muyeres escritores esti 8 de marzu
El vienres pasáu, día 8 de marzu, con motivu del día de la muyer, Iniciativa pol Asturianu quixo vindicar el papel de les escritores asturianes.
Lleer más |
Inaciu Galán: "La oficialidá ye sinónimu d’algamar drechos llingüísticos que nun van contra naide”
Inaciu Galán, presidente d’Iniciativa pol Asturianu, participó nuna mesa redonda baxo’l título “Oficialidá, una cuestión de drechos” onde recordó que “nun podemos escaecer que les persones que tamos defendiendo la oficialidá del idioma tamos buscando da-y futuru al idioma y mantener esti patrimoniu llingüísticu a les xeneraciones del futuru”.
Lleer más. |
Iniciativa pol Asturianu felicita al Conceyu d’Uviéu pola aprobación de la toponimia
“Iniciativa pol Asturianu felicita al Conceyu d’Uviéu pola aprobación de la topomia y anima a facela presente en tolos ámbitos. Dende la nuesa organización queremos facer un llamáu a los responsables del conceyu a mantener un esfuerciu especial y usar el nome oficial de la ciudá y el conceyu".
Lleer más |
Iniciativa pol Asturianu na RPA
Tolos llunes de magar a les 12:15 de la mañana puedes sentir la collaboración d'Iniciativa pol Asturianu nel programa La radio es mía que presenta Pachi Poncela.
Tolos llunes siéntinos equí. |
Horariu d'oficina
La oficina d'Iniciativa pol Asturianu alcuéntrase nel Hotel d'Asociaciones de Xixón n'avenida de Manuel Llaneza, 68, baxu.
Dende esti 1 d'abril l'horariu habitual d'oficina torna a ser de 9:00 a 13:00 hores, de llunes a viernes. Si una persona nun pudiere acercase nesi horariu puede concertar una cita pa ser atendíu pela tarde.
|
Grupu de conversación n'asturianu: "Vamos falar"
El grupu de conversación que se vieno faciendo esti mes de marzu, caltendráse tamién esti mes d'abril gracies al trabayu voluntariu de los becarios.
Tendrá llugar nel Conseyu de la Mocedá de Xixón (Avenida Manuel Llaneza, númberu 68, baxo), nos horarios de 12:00 a 13:00 hores y de 19:00 a 20:00 hores.
|
|
|
|
