Iván Llera, elexíu presidente d'Iniciativa pol Asturianu
La organización cellebró el pasáu sábadu 22 de xunu el so III Congresu baxo'l títulu "Construyendo'l consensu pola oficialidá"
Iniciativa pol Asturianu escoyó nuevu presidente y nueva Xunta Directiva nel so III Congresu cellebráu en Xixón nel qu'Iván Llera foi elexíu como presidente de la organización.
La Xunta Directiva tamién ta compuesta por Felicitas Fernández (Secretaria), Sabel Tuñón (Ayalguera), Alexandru Ordiales (Vocalía d’Imaxe), Ástor Llaneza (Voluntariáu), Claudia Gutiérrez (Enseñu y Deportes), Daniel Rodríguez (Comunicación y Activismu en Redes), Fonsu Martín (Formación), Lluís Fanjul (Implantación Territorial), Inaciu Iglesias (Empresariáu), Samuel Gradín (Proyectos Audiovisuales), Inaciu Galán (Rellaciones Institucionales), Pilar Riesco (Asturies Esterior), Pablo Martín (Cuestiones Llegales), Lluís Antón González (Cultura) y Marcos Martínez (Toponimia).
La nueva Xunta Directiva axunta a persones que ya vienen de la esperiencia de les directives anteriores xunto con otres que son nueves y s’incorporen al trabayu na directivu anque ya veníes collaborando en diferentes actividades habituales de la organización.
|
|
|
Iniciativa animó a los 928 conceyales y a los 78 alcaldes a xurar o prometer el cargu n’asturianu
Iniciativa pol Asturianu afaló a usar l’asturianu (o’l gallego-asturianu na so zona) nel so xuramentu o promesa a los 928 conceyales y 78 alcaldes y alcaldeses que van tomar posesión de los sos cargos esti sábadu 15. Esti xestu simbólicu ye una bona forma d’entamar los mandatos de les corporaciones teniendo presente la llingua propia d’Asturies.
Lleer más.
|
Iniciativa pol Asturianu presenta quexes a Fomentu y a Delegación de Gobiernu pola toponimia nes nueves señales de la ‘Y’
Iniciativa pol Asturianu presentó escritos al Ministeriu de Fomentu y a la Delegación del Gobiernu d’España n’Asturies dempués de comprobar que les nueves señales colocaes nos accesos de l’autopista ‘Y’ n’Avilés nun cumplen cola toponimia oficial. Los cartelos instalaos nun recueyen la nomenclatura oficial d’Uviéu y Xixón apaeciendo únicamente la denominación en castellán.
Lleer más
|
Fai les práctiques con Iniciativa pol Asturianu
Iniciativa pol Asturianu y la Universidá d'Uviéu roblaron va dos años un Conveniu de Coperación Educativa ente dambes entidaes, col envís de qu'Iniciativa pol Asturianu acueya na so organización a alumnos en práctiques de cualesquiera de les titulaciones de la universidá asturiana. La organización ta agora en cata de persones interesaes en sumase al equipu de trabayu de la organización demientres el so periodu de práctiques de Grau, máster o títulu propiu.
Lleer más
|
|
Pallabres d’Inaciu Galán nel III Congresu d’Iniciativa pol Asturianu
Iniciativa pol Asturianu cellebró'l pasáu 22 de xunu el so III Congresu onde Inaciu Galán despidióse como presidente de la organización.
Lleer más
|
Iniciativa collabora na organización d’un campamentu col asturianu como protagonista
La ONG Iniciativa pol Asturianu ta acabante anunciar la puesta en marcha d’un campamentu de branu pa rapazos y rapaces de 6 a 16 años. El campamentu va celebrase del 7 al 14 de xunetu nel Albergue La Casona Amarilla, l’antigua residencia d’Hunosa en Villamanín, Llión.
Lleer más
|
Promoción pa socies y socios d'Iniciativa pol Asturianu
Iniciativa pol Asturianu robló un alcuerdu de collaboración con Acuto Xuegos pa espardir los productor infantiles n'asturianu de la empresa.
Los productos que s'ufierten son el rompecabeces 'Ayalgues Asturianes', xuegu de 48 pieces sobre Asturies y que contién toponimia y pallabreru n'asturianu. Ideal pa toles edaes, dende los 6 años a persones adultes. Tamién 'El Xuegu de les Pareyes' que ye'l clásicu xuegu de memoria de facer pareyes, perfectu pal trabayu del vocabulariu. Ideal dende los 6 a los 12 años.
El preciu pa socios d'Iniciativa ye de 9,50 € el rompecabeces y 6,00 € les cartes.
|
Atendémoste na oficina
La oficina d'Iniciativa pol Asturianu asítiase nel Hotel d'Asociaciones de Xixón n'avenida de Manuel Llaneza, 68, baxu.
Ellí puedes topanos de llunes a viernes de 9:00 a 13:00 hores.
|
|
|
|