Ka nui te mihi ki a koe, ōtira ki a koutou katoa i tēnei hōtoke, i tēnei takurua. Ko te tūmanako nui e ora ana koutou katoa i roto i o koutou kāinga huri noa i te motu.
He pānui motuhake tēnei e aro pū ana ki te hui nui a Ngā Kura ā Iwi o Aotearoa ‘Te Pūtahi Nui’. I tēnei tau, ka tū te hui ki Distinction Rotorua mai i te 4 ki te 5 o Akuhata/Here-turi-kōka 2022. E karanga ana ki ngā kura katoa o Ngā Kura ā Iwi kia hau mai ki te hui nei, ki te whakarongo, ki te kōrero, ki te wānanga i ngā take nui o wā hei pāinga, hei oranga mō a tātou tamariki mokopuna `Mauri Onamata, Aronga Anamata’.
E toru ngā kaupapa matua o te hui nei, ko Te Reo Māori, ko te oranga, ko te maramataka. Nau mai, haere mai ki te wānanga i ēnei aronga.
Anei rā ko ngā kaikōrero matua (keynote speakers) o te hui. Mā ēnei kaikōrero e ruku hōhōnu ki roto i ō rātou kaupapa hei kai mō te hinengaro. He wero hoki pea hei whakatō i ēnei māramatanga ki roto i ngā mahi whakaako tamariki.
Registrations open Monday 13 June 2022. Notifications will be sent out in the Te Maru pānui with registration details directly to your inbox, on our social media and website.
*Please note, registrations sold out within 48hrs last years and spaces are once again limited.
