Die goeie reën einde 2020 en begin 2021 het digte veldtoestande tot stand gebring. Tot met 30 Junie 2021, het ongeveer 43 000 ha in die Vrystaat reeds afgebrand sedert die begin van die veldbrand seisoen teenoor 3 900 ha dieselfde tyd verlede jaar. Die inligting is volgens die Vrystaat Sambreel Brandbeskerming Assosiasie .
Terugvoer oor oorsaak van brande in die laaste week van Junie vanaf Johann Terblanche van Goudveld BBV wys op die volgende:
- ESKOM Kraglyne - Boere is ook gevra deur ESKOM om kraglyne op u plaas te inspekteer en foutiewe/gebreekte pale / kraglyne wat moontlik 'n brandgevaar mag wees so gou moontlik aan ESKOM te rapporteer. ESKOM kontakbesonderhede is by u streekverteenwoordiger of VL kantoor beskikbaar.
- Twee brande in die Wes-Vrystaat was van munisipale asgate afkomstig – brandbeamptes gaan kriminele klagtes indien oor die versuim van die munisipaliteit om die nodige oorsig te hou en dat hulle nie brandbane om die asgate gemaak het nie.
- Plaaswerker huise – dit is versoek dat boere om hulle plaaswerker huise brandbane ploeg/sny en hulle bewus maak van die gevare van brande en die veilige weggooi van ou as.
Landbouverenigings word versoek om hulle skakelpersoon wat op die Statuêre Brand Beskermingsvereniging (BBV) dien se naam aan Cynthia Troost by Vrystaat Landbou se kantore deur te gee by cynthia@vslandbou.co.za en seker te maak hulle BBV inligting is op datum en geregistreer by Mnr Ndabankulu by Departement Omgewingsake op qndabankulu@environment.gov.za
VL se rampbeleid, wat protokol oor die hantering van hulpverlening na 'n ramp uitwys, is op ons webtuiste beskikbaar onder Lede area> FSA beleid
*Gebruik u VL lidnommer om in te teken*
|