Prinsessie en Boekeman begin, soos alle goeie stories, eendag lank, lank gelede en neem klein lesers saam op Prinsessie se reis in haar wonderwêreld van boeke.

Sy lees oor rare karakters uit feëverhale en droom van prinse op perde uit ver, ver lande. Dan vind sy die een ding waarvan sy nooit sou kon droom nie – ’n boekeman!

En toe? Bring die klein prinsessies (en prinsies) om uit te vind wat verder in die storie gebeur. Dit beloof om hope pret vir jonk en oud te wees!