Dames en Here,

Hiermee Augustus 2021 se Nuusbrief. 

Ek hoop die nuusbrief vind julle in goeie gesondheid. Ons het vanaf verlede jaar tot op hede 6 lede aan die dood afgestaan weens COVID. Ons innige meegevoel aan die families van afgestorwe lede en julle is in ons gebede. Dit geld ook vir lede se gesinne wat deur COVID geraak is.

Daar was gedurende 2021 ‘n paar tak aktiwiteite aangebied en die opkoms was baie goed.

Die President en Streekskiet byeenkomste is afgehandel. Baie geluk aan die Hartbees A span, Seniors, en individue wat plekke behaal het op die byeenkomste. Hartbees A het 14e gekwalifiseer en neem op 24 September deel aan die Nasionale spanskiet kompetisie. Sterkte aan al die skuts wat deelneem daardie naweek --- span en individueel.

Die skietbaan is weer oop vir lede. Neem asb kennis dat die protokol van toegang tot die perseel verander het. By die hoofingang moet al die skuts/lede/insittendes die voertuig verlaat en hulle voete dip. Daar is ‘n boek wat ook ingevul moet word by die hek. Die plaas se personeel gaan die voertuig se pedale en plekmatjies ook spuit met ‘n ontsmettings middel.
Laasgenoemde se prosedures is nie onderhandelbaar nie! Enige lid wat moeilik gaan wees oor die prosedures sal toegang tot die perseel verbied word.

SAJWV het alle lede se toegewyde statusses vir 2021 behou, met ander woorde, almal  voldoen aan die vereistes. As dit moontlik is moet alle lede tog vergaderings en skietdae bywoon waar moontlik.

Die SMS sisteem sal nie meer gebruik word nie. Die kostes verbonde aan die sisteem is baie hoog. Daar is ‘n WhatsApp groep waar inligting deurgegee word. Kontak bestuur of ander lede op die groep sodat hulle u uitnooi om by die groep aan te sluit. 
OF ……. Skandeer die QR-kode hieronder.

















Die tak het op 31 Augustus hulle Algemene Jaar Vergadering (AJV) gehad. Die huidige bestuur was weer verkies vir 2021/2022. Baie geluk aan almal. Dankie ook vir julle harde werk en bystand. Dit is nie altyd maklik nie, en die bestuur doen dit uit vrye keuse en ook in hulle eie tyd. Geen van die bestuurslede word vergoed vir hulle tyd wat hulle insit nie.

Op die AJV is die baanfooi vir 2022 verhoog na R450 per jaar (vanaf 1 Februarie 2022). Dit is die eerste verhoging in 3 jaar. Seniors se fooie beloop R350 per jaar. Koeponne bly onveranderd op R100 per besoek per lid/gas
 

Lede Versoeke, Probleme en Voorstelle:

Die bestuur doen weer ‘n beroep op alle lede om enige versoeke, probleme, onduidelikhede en voorstelle na ons te bring vir bespreking. 

Dit is takbeleid dat ons lede met bogenoemde na die takbestuur sal kom om sake te bespreek wat tot almal se voordeel strek. 

Die datums van vergaderings, skietdae, asook opleiding is op die webblad (www.hartbees.co.za) beskikbaar. Die meeste van 2021 se vergaderings, opleiding en skietdae is op kalender beskikbaar. 

Baanfooie is betaalbaar vanaf Feb 2021. Baanfooie beloop R400 vir lede, en R300 vir seniors. Koeponne is beskikbaar teen R100 per koepon. 


 

TERUGVOER VANAF BESTUUR:

• Koeponne en baanfooie (kontant) kan by my kantore aangekoop word:
  • Lektratek Water Tegnologie, 22b Forsmannstr, Potchindustria.
  • Kontak persoon: Elsabè van der Walt.
• EFT kan soos per webblad gedoen word.
• Koeponne is ook beskikbaar by Advance Gunsmithing, CFJ du Plessis gebou,
  390 Walter Sisulu laan, Potchefstroom.
• Hou die spasie dop ----- ons is besig met die beplanning vir die uitbreiding van MDS bane. Bestuur is baie opgewonde en verdere inligting volg binnekort.

Plaaslike Polisie Kantoor

Ons plaaslike kantoor is ons taklede steeds baie goedgesind en gaan uit hul pad om ons te akkomodeer sover hulle kan. Respekteer asseblief ook hulle posissie om ons verhouding te versterk.

Let wel:

1. Die plaaslike kantoor neem nie aansoeke op Vrydae nie. Dit is ‘n interne reëling wat hulle gemaak het om agterstallige administrasie op te vang. Hulle gaan dit nie op ‘n skrywe kommunikeer nie.
2. Alle afskrifte moet gesertifiseer word! Doen dit vooraf. Geen aansoeke gaan hanteer word as dit nie gedoen is nie.

Lede wat uitstaande lisensiekaarte het moet asb verseker dat dit afgehaal word so gou moontlik om te voorkom dat dit terug gestuur word. Lede wat langer as ses maande wag vir lisensiekaarte moet asb vir Petrus Swart (petrus@sahunt.co.za) by SAJWV hoofkantoor kontak. Hy sal jou bystaan en terugvoer gee. Let wel dat die aansoeke vir Semi-Auto gewere (AR’s) nou strenger ondersoek gaan word. Ons verwag problem met aansoeke.

Rekenaar

Die tak het nou ook ‘n Facebook blad waarby ons alle lede wil aanmoedig om inligting te bekom oor takvergaderings, takskiet dae, promosies en allerlei inligting.

Alle inligting is beskikbaar op die web (www.hartbees.co.za).

Navrae moet die volgende inligting bevat : Naam, Voorletters, Van, LID NR en E-pos adres.

Sonder die inligting kan ons geen navrae beantwoord nie.

Daar is by elke takvergaderig 'n lid van die rekenaarspan beskikbaar om navrae te hanteer.

Onthou om op die tablet jou teenwoordigheid aan te teken.

Om enige advertensies te plaas op die webtuiste, skakel asb die Webmeester. Kontak besonderhede is beskikbaar op die webtuiste.

Inyathipark Nuus

KINDLY READ THE NEWSLETTERS FROM OUR CEO, FRED CAMPHOR