Skör ofar - fundur um hátæknibrennslu úrgangs

Föstudaginn 17. september kl. 13:00-14:00 efnir Samband íslenskra sveitarfélaga og stýrihópur um hátæknibrennslu úrgangs til annars kynningarfundar á Teams.

Fundurinn er annar fundurinn í kynningarröð forverkefnis um innleiðingu nýrrar framtíðarlausnar til meðhöndlunar á brennanlegum úrgangi í stað urðunar.

Unnið er að því að innleiða hringrásarhagkerfi á Íslandi og að ná settum markmiðum um endurvinnslu. Þrátt fyrir að það takist má búast við að ávallt falli til einhver úrgangur sem hvorki er hæfur til endurnotkunar né endurvinnslu. Á þessum fundi verður farið yfir áætlun um magn úrgangsstrauma til brennslu, forsendur áætlunarinnar og helstu fyrirvara.

Nýtt miðlægt vefsvæði um jafnréttismál

Forsætisráðuneytið hefur sett í loftið nýtt og uppfært miðlægt vefsvæði um jafnréttismál á vef Stjórnarráðsins.

Á vefsvæðinu er hægt að nálgast upplýsingar á einum stað um aðgerðir stjórnvalda í jafnréttismálum, ýmsa áfanga og útgefið efni auk þess sem þar er að finna kyngreinda tölfræði sem er hornsteinn að markvissu jafnréttisstarfi.

Stefna um aðlögun samfélagsins að loftslagsbreytingum

Í ljósi loftslagsvár er fyrsta stefna íslenskra stjórnvalda um aðlögun að loftslagsbreytingum. Stefnan verður lögð til grundvallar við gerð aðgerðaáætlunar um aðlögun samfélagsins að loftslagsbreytingum.

Í stefnunni er sett fram framtíðarsýn stjórnvalda um að íslenskt samfélag og lífríki búi að viðnámsþrótti frammi fyrir loftslagsvá. 

Skýrsla um vinnu- og skólasóknarsvæði og almenningssamgöngur

Skýrsla sem Byggðastofnun tók saman um vinnu- og skólasóknarsvæði og almenningssamgöngur hefur verið gefin út. Í skýrslunni eru sérstakar svæðagreiningar, þar sem m.a. er fjallað um styrkleika og veikleika hvers svæðis en einnig áskoranir með tilliti til almenningssamgangna.

Í skýrslunni, sem unnin var fyrir samgöngu- og sveitarstjórnarráðuneytið, er einnig að finna uppfærð kort af vinnu- og skólasóknarsvæðum með hliðsjón af samgöngubótum undanfarinna ára og eftir atvikum lagðar fram tillögur að áherslum og aðgerðum til úrbóta.

Nýtt yfirlit um fjárhagslega aðstoð vegna sameiningar sveitarfélaga

Nýtt yfirlit um mögulega fjárhagslega aðstoð Jöfnunarsjóðs sveitarfélaga vegna sameininga sveitarfélaga hefur verið birt á vef samgöngu- og sveitarstjórnarráðuneytisins. Þar má skoða framlög sem sveitarfélögum bjóðast, ef til sameiningar kæmi á árinu 2022.

Í nýja yfirlitinu er miðað við ársreikninga 2020 og íbúatölur yfir tímabilið 2015-2021. Samkvæmt reglunum skal miða við ársreikning næstliðins árs fyrir gildistöku sameiningar við útreikning á skuldajöfnunarframlagi. Byggðaframlög miðast við íbúafjölda síðustu fimm ára við sameiningu. 

• 17.09.2021 Skör ofar - meðhöndlun brennanlegs úrgangs í stað urðunar
• 22.09.2021 Opnun verkfærakistu Loftslagsvænni sveitarfélaga
• 29.09.2021 Haustþing SSV
• 29.09.2021 Vefráðstefna sveitarfélaga um stafræna umbreytingu
• 01.10.2021 Aðalfundur SSS
• 01.10.2021 Haustþing SSNE