Nuusflits
September 2021

Die tekortkominge wat tans by Veediefstal Eenhede (VDE) in die Polisie bespeur word, is bydraend tot wat bykans as ekonomiese sabotasie van die landbousektor beskou kan word. Dit is die mening van Vrystaat Landbou (VL) en die Rooivleis Produsente Organisasie (RPO).

Jakkals le Roux, voorsitter van VL se Landelike Veiligheidskomitee, is bekommerd dat  veediefstal op die oog af nie as ʼn prioriteit deur die polisie geag word nie.
Lees hier verder

Talle veldbrande het tydens Augustus en September verwoesting in die Vrystaat gesaai en dit wil voorkom of dié brandseisoen een van die ergstes nog in die provinsie gaan wees. 
Vrystaat Landbou (VL) se Kommersiële bestuurder, dr Jack Armour, sê dat VL ʼn inisiatief geloods het om voer van buite die Vrystaat aan te koop en na die geaffekteerde areas te voorsien. Gegewe die koste van hierdie projek, beroep VL hom ook op die steun van die gemeenskap en sakesektor.
Navrae kan gerig word aan jack@vslandbou.co.za of elize@vslandbou.co.za