Revise Sociology

Сонгуулиар бид хэд хаа сайгүй л "Sponsored" постууд сошиалаар хардаг. Тэр хэмжээгээрээ л бид Facebook, Google, YouTube-д маш их орлого оруулж буй. Тухайлбал, Э.Батшугар нэр дэвшигч л гэхэд сүүлийн 1 жил гаруй хугацаанд $20,000-ийг сошиал бүүстэд зарцуулжээ. За энэ ч яахав, гол нь Монголоос дажгүй мөнгө олж буй эдгээр аварга тек компаниуд Монголд татвар төлдөггүй шүү дээ. Тэгвэл дэлхийн 136 улсын засгийн газрын төлөөлөл нэгдэж, үндэстэн дамнасан корпорациудад 15%-ын глобал татвар оноохоор тогтоод байна. 

Тэдний гаргалгаа...

• Жилийн орлого нь $866 саяас дээш корпорациудад хамгийн доод тал нь 15%-ын татвар ногдуулна. Ингэснээр нийтдээ жилд $150 тэрбумын татварын орлогыг нэмж бүрдүүлэх боломжтой болох аж. 
• Хамгийн өндөр ашигтай корпорациудын хэрэглэгчдийн байршиж буй газарт үлдэгдэл ашгийн 25%-д татвар ногдуулах эрхийг тухайн улсын шүүх засаглалын хүрээнд шилжүүлнэ. 

Бизнесийн томчууд юу гэв?

Энэхүү хэлцэл 2023 оноос эхлэн хэрэгжих ба Google (GOOG), Facebook (FB), Microsoft (MSFT) зэрэг 100 гаруй компанид хамаарах юм. Сонирхолтой нь, Google болон Amazon (AMZN) нар хэлцлийг дэмжиж байгаа юм байна. Учир нь, орлогоосоо нэгдсэн байдлаар татвар өгснөөр улсуудын оноосон татвар цуцлагдах нь тэдэнд ашигтай тусч байгаа бололтой. 

Цаашид...

Монгол ямартай ч эдгээр улсууд дотор орсон байна шүү. 2023 оноос Facebook, Google манай татварын орлогын тодорхой хэмжээг бүрдүүлэг болж магадгүй нь дээ. Цаашлаад, тун удахгүй АНУ-ын конгресст хэлцэлтэй холбогдох хуулийн төслийг, Их 20-ийн гишүүн улсуудын сангийн сайд нар гэрээг хэлэлцэж эцэслэх ажээ.
 

А.Оюун-эрдэнэ / Lemon Press

Америк, Хятадын худалдааны гол хохирогчдын нэг нь яалт ч үгүй Huawei болж байна даа. Жилийн өмнө л дэлхийн тэргүүлэх гар утас борлуулагч байсан тэд өдгөө топ-5-д ч багтахаа байж борлуулалт нь 85%-аар унажээ. 

Юу болоод байна… 

• 5G технологи: Америк төдийгүй Европын орнууд ч мөн адил компанийн 5G технологийг ашиглахгүй, нэвтрүүлэхгүй байхаар болжээ. Ингэснээр Huawei-н шинэ дарга Эрик Сю 5G болон гар утасны бизнесээс учирсан хохирлыг нөхөж чадахгүй гэдгээ 9-р сард Бээжинд болсон хэвлэлийн бага хурал дээр хэлэв.
• Орлого: Жилийн эхний хагасын байдлаар тэдний орлого 29.4%-аар буурч, $49.5 тэрбумд хүрсэн байна. Гэсэн ч тэд улирал бүр ашигтай ажилласаар байгаа аж. 
• Гол бизнес: Тэдний гол бизнес нь гар утас биш бөгөөд цахилгаан холбооны хэрэгсэл борлуулах юм. Жишээ нь, танай гэрт байгаа Unitel-ийн цагаан төхөөрөмж. Тэгвэл энэ үйл ажиллагааны орлого нь ч гэсэн эхний хагас жилд 14% буурч $21 тэрбумд хүрчээ. 
• Итгэлээ алдахгүй шүү: Гэхдээ тэд бууж өгөлгүй, бүтээгдэхүүнээ сайжруулж, шинэ инновацийн төлөвлөгөөгөө танилцууллаа. Тухайлбал, дижитал технологийн экосистем болох Kunpeng, Ascend, HMS, HarmonyOS, Huawei Cloud болон MDC (Mobile Data Center)-ийг сайжруулахад онцгой анхаарал хандуулахаа зарлав. Мөн онгоцны буудал, уурхайд 5G болон хиймэл оюун ухаанд суурилсан дэд бүтцийг шинэчлэхээр зорьж байгаа аж.

Эцэст нь…

Жо Байдений ЗГ Huawei-д тавьсан арга хэмжээг цуцлах хүсэлгүй байгаа бөгөөд Америкийн худалдааны нарийн бичгийн дарга “хэрэв шаардлагатай бол компанийн эсрэг нэмэлт арга хэмжээ авна” хэмээн мэдэгджээ. Харин Huawei-ийн удирдлагуудын зүгээс цаашид цахилгаан машин, програм хангамж, нүүрс олборлох технологи руу чиглэнэ хэмээн зарлаад буй нь Америктай, Америкгүй байр сууриа бат болгоно л гэсэн санаа байх даа .

Цар тахлын үед дэлхий даяар тэг зогсолт хийсэн салбар бол мэдээж аялал жуулчлалын салбар гэдгийг хэн хүнгүй мэдэж байгаа байх. Тэгвэл 2021 оны 9 сарын байдлаар манай хилээр хэчнээн зорчигч нэвтэрсэн талаар судалгаа ҮСХ-ноос гаргажээ.

Онцлох тоонууд…

• 249 мянга: Манай улсын хилээр нийт 249.4 мянган зорчигч нэвтэрсэн.
• 27 мянга: Эдгээрээс 27 мянга буюу 11% нь гадаад улсын иргэд юм. Цар тахлын өмнө 500 мянга хүрдэг байжээ. 
• 33.1%: Орж ирсэн гадаад зорчигчдын тоо өмнөх оны мөн үеэс 33.1%-аар буурчээ.
• 82.7%: Гадаад зорчигчдын 82.7% нь аялахаар ирсэн бол 17.3% нь ажиллаж, суралцахаар ирсэн байна.
• 57.5%: Аялал жуулчлалын зорилгоор ирсэн зорчигчдын тоо өмнөх оны мөн үеэс 57.5%-аар буурсан үзүүлэлттэй гарсан аж.

Аялал жуулчлал нь манай ДНБ-ийн 9%-ийг бүрдүүлдэг чухал салбар. 2019 онд л гэхэд 570.2 мянган жуулчин хүлээн авч, аялал жуулчлалын салбарын орлого ДНБ-ний 6.48%-ийг бүрдүүлсэн бол 2020 онд орлого нь 65.8%-аар буурсан юм. 

XacBank

WE'RE READING

• Хөрөнгө оруулалт: Богино хугацаанд хөрөнгө оруулалт хийх нь яагаад хэцүү бөгөөд эрсдэл өндөр байдаг вэ? Хэрэв та эрсдэлд дургүй бол уншаад үзэхэд гэмгүй л юм. (The Motley Fool)
• Нууц дүрэм: Ихэнх ухаантай удирдагчид дараах 9 нууц дүрмийг ашигладаг болохоор маргаанд байнга ялдаг гэнэ шүү. (Inc)
• Буцаан олголт авах уу? MonPay-ийн сонгогдсон хэрэглэгчид QR ашиглан худалдан авалт хийх бүрдээ үнийн дүнгийн 10%-ийг дансандаа эргүүлээд авна гээд боддоо. (MonPay)
• Хүчирхэг стартап: Харьцангуй хоцрогдолтой гэж үздэг байсан Японы стартапын экосистем өөрийн гэсэн хэлбэртэй болж эхэлжээ. Чухам үүнд нөлөөлсөн гол зүйл юу байв? (McKinsey)
   

Hey! Уламжлалт бяцхан сорилоо давахад бэлэн үү? Тэгэхээр дараах өгүүлбэрүүдийн аль нэг нь худал мэдээлэл агуулсан байгаа. Аль нь худал вэ гэдгийг олоорой. Мэдээж линк дээр нь дараад хариултаа шалгана гэдгээ мартаагүй биз дээ?

1. Google Африк тивд $1 тэрбумын хөрөнгө оруулна.
2. Гадаад зорчигчдын тоо өмнөх оны мөн үеэс 33.1%-аар өсжээ.
3. Манай улсын аялал жуулчлалын салбарын орлого 2020 онд 65.8%-аар буурсан.