Montsame

Мөнгө, санхүүгийн хувьд

Ил уурхайгаас нийт 22.5 сая тонн хүдрийн материал олборлож, 9.3 саяыг боловсруулсан тус компани 2021 оны эхний 3 улиралд татвар болон бусад төлбөрт $590 саяыг төвлөрүүлжээ. Ийнхүү манай улсын төсөвт 2010 оноос хойш Оюу толгой компани нийт $3.5 тэрбумыг нэмэрлээд байна. Түүнчлэн дэлхийн зах зээлд эрэлт нь нэмэгдэж буй зэсийн баяжмалыг 191.9 мянган тонныг үйлдвэрлэсэн нь өмнөх оны мөн үеэс 23.4 мянган тонноор өссөн дүн ажээ. Цар тахлын хязгаарлалтаас болж бага зэрэг удааширсан ч дажгүй шүү.

Байгаль бас нийгэмд

Оюу толгойн байгаль орчин болон нийгмийн хариуцлагын чиглэлд хийж буй ажлуудаас онцолбол:

• Ус: Хүдэр боловсруулахад ашигласан усныхаа 87.1%-ийг дахин боловсруулжээ. Ингэхдээ дэлхийн бусад уурхайнуудаас 3 дахин бага ус ашигласан. 
• $5.2 сая: Орон нутгийн тогтвортой хөгжлийн төслүүдэд олгосон санхүүжилт.
• 96%: Оюу толгойн ажиллах хүчний дийлэнхийг Монгол улсын иргэд бүрдүүлж байна.
• ₮570 сая: Ковид-19 цар тахлын үед яаралтай тусламж үзүүлэхэд чухал шаардлагатай 1,000 хүчилтөрөгч өтгөрүүлэгч төхөөрөмж худалдаж авахад зориулж ₮570 саяыг Эрүүл мэндийн яаманд хандивласан.

Эцэст нь… 

Үндсэн уурхайтай холбогдох туннелээ амжилттай дуусгасан Оюу толгой компани ил уурхайнхаа 10 жилийн ойг тэмдэглэж байгаа аж. Цар тахлын үеийн хүндрэлээ даваад удалгүй ЗГ-тай хэл амаа ололцох бас нэгэн сорилт тулгарчээ. Яаж шийдэгдэх бол?
 

Hypebeast

Facebook компани ребрэндинг хийж, нэлээдгүй шуугиан тариад авлаа. Ирээдүй бол Metaverse юм аа, бид үүнийг түүчээлэх болно л гэнэ шүү. 

Metaverse гэж юу юм бол?

Meta гэдэг нь “Metaverse” үгийн товчлол ба Марк Цукерберг үүнийг "Интернетийн дараагийн хуудас" гэж тодорхойлоод байна. Энэхүү Metaverse нь бодит ертөнц виртуал ертөнц давхар орших боломжийг нээж буй юм. Жишээ нь, AR/VR төхөөрөмжөө зүүгээд найзуудтайгаа уулзах, дуртай хамтлагийнхаа тоглолтыг үзэхээс эхлээд хайртай тамирчныхаа өмсгөлийг худалдан авч виртуал ертөнц дэх өөрийн аватараараа гангарах боломжтой. Тэр ч байтугай гэрээсээ ажил дээрээ байгаа мэт ажиллаж болно. Харин энэ орон зайд бүх бараа бүтээгдэхүүн NFT байдлаар байх бөгөөд худалдан авахдаа криптогоор төлбөрөө хийх аж.

Дэлхийг виртуал болгоход шаардагдах төсөв

Цукерберг саяхан III улирлын тайлангаа танилцуулахдаа Metaverse-ийг хөгжүүлэхийн тулд нийт $10 тэрбумыг зарцуулахаар төлөвлөж буйгаа дурдсан юм. Мөн ойрын жилүүдэд хөрөнгө оруулалтаа нэмэгдүүлэх ба тус шинэчлэлийн хүрээнд IV улирлаас эхлэн виртуал технологийнхоо орлогын мэдээллийг тусад нь гаргахаар болж байна.

Том зургаар...

За ингээд л нөгөө зөгнөлт кинонууд дээр гараад байдаг виртуал ертөнц ийнхүү хаяанд тулаад ирлээ шүү. Тэдний энэ шинэчлэлийг зүгээр нэг маркетингийн заль мэх эсвэл өрсөлдөөний башир арга гэж дүгнэх нь эндүү хэрэг. Хэрэв амжилттай хэрэгжвэл Metaverse-ийн ноёрхлын шинэ эрин үеийг эхлүүлээд зогсохгүй  нийгмийн сүлжээ, харилцаа холбоо, худалдааны үйлчилгээний 2.0 шинэчлэл ирнэ гэж дүгнэх байна даа.

Үзээрэй: Цукербергийн төсөөлж буй мета ертөнц.

Крипто ертөнцөд stake хийх гэдэг нэг ойлголт бий. Эфериум болон Кардано зэрэг PoS дээр суурилсан блокчэйн дээр хэн их койн stake хийсэн нь гүйлгээг баталгаажуулах эрхийг авдаг аж. Үүнээс л анх stake хийх гэдэг ойлголт үүссэн түүхтэй юмсанжээ.

• Stake хийнэ гэдэг нь: Өөрийн эзэмшиж буй койноо тодорхой хугацаанд түгжих буюу барьцаанд тавьж, хариуд нь койноор урамшуулал авахыг хэлдэг.

Гэхдээ хувь хүн stake хийж, гүйлгээг баталгаажуулагч болоод урамшуулал аваад байгаа хэрэг биш аж. Харин та ямар нэгэн pool-д ороод таны орсон тухайн pool гүйлгээг баталгаажуулагчаар сонгогдсоноор тухайн койныг урамшууллаар авч байгаа хэрэг юм. 

Эфериумын жишээг харвал…

Одоогоор нийт 118 сая ширхэг Эфериум (ETH) байгаа бол үүний 8 сая нь stake хийгдсэн байна. Түүнчлэн stake хийж жилийн 5.4%-ийн өгөөж авах боломжтой юм. Харин нийт stake хийгдсэн байгаа койны тоо өсвөл уг өгөөж буураад явах ажээ. Койноо stake хийхэд хамгийн гол анхаарах зүйл бол тухайн койны ханш унах уу гэдэг асуулт билээ. Stake нь ихэвчлэн тодорхой хугацааны турш койноо түгжихийг шаарддаг тул тухайн хугацаанд ханш ихээр унавал та тэр хэмжээний алдагдал хүлээх юм шүү.

Харин манайд…

Манайд Coinhub (CHB) койн 50 мянгаас дээш CHB эзэмшигч нарт койноо тодорхой хугацаагаар stake хийгээд урамшуулалд нь койн авах эрхийг олгож эхлэх гэнэ. Тун удахгүй илүү нарийн мэдээллүүд гарахаар нэг сонирхоод үзнэ биз ээ.

News 9 Live

 

 ExxonMobil (XOM) жилийн өмнөхөөс ашгаа 10 нугаллаа. Америкийн газрын тосны хамгийн том тоглогч Exxon-ий нийт орлого энэ онд 60%-иар нэмэгдэж, $73.8 тэрбумд хүрсэн байна.

 Цахилгаан автобус нэвтрүүлэх төсөл хэрэгжүүлэхээр болов. Үүн дээр нэмээд Европын Сэргээн Босголт, Хөгжлийн Банк холбогдох дэд бүтэц, гэр хороололд хүлэмжийн хий ялгаруулдаггүй 700 гаруй байшин барих санхүүжилтийн талаар Улаанбаатар хотын удирдлагуудтай ярилцаж байгаа аж.

 

Storepay.mn

Монголын криптовалютад хөрөнгө оруулагчдын хамгийн их анхаарлыг татаж буй койнуудын нэг болох StorePay Coin (SPC)-ийн анхдагч зах зээлийн захиалга 10 сарын 27-ны өдөр trade.mn бирж дээр гарсан даруйдаа дүүрсэн билээ. Тэгвэл хоёрдогч зах зээлийн арилжаа нь 11 сарын 3-ны өдөр trade.mn болон coinhub бирж дээр эхлэх юм байна шүү.

SPC койны ашиглалтаас дурдвал:

•  Storepay апп дээрх төлөлтдөө SPC койноо ашиглах боломжтой.
•  SPC койноо Storepay wallet-нд байршуулахад койны үнэлгээтэй тэнцэх (₮10 сая хүртэл) дүнд Storepay ашиглан худалдан авалт хийх эрх үүснэ.

Сануулахад,

Эхний удаад хоцорсон бол энэ удаагийн арилжаанд бэлтгэлээ сайн базаагаарай. Мөнгөө шилжүүлэхээс эхлээд интернет, тоног төхөөрөмжүүдээ урьдчилж бэлтгэсэн хүмүүс л хожиж байгаа шүү дээ.
 

JUST FACTs

Microsoft (MSFT)-ийн орлого сүүлийн 10 жилд:

• 2021: $168 тэрбум
• 2020: $143 тэрбум
• 2019: $125.8 тэрбум
• 2018: $110.3 тэрбум
• 2017: $96.5 тэрбум
• 2016: $91.1 тэрбум
• 2015: $93.5 тэрбум
• 2014: $86.8 тэрбум
• 2013: $77.8 тэрбум
• 2012: $73.7 тэрбум

WE'RE READING

• Storepay апп: Хүссэн бүтээгдэхүүн, үйлчилгээгээ ямар ч шимтгэлгүй хувааж төлөөд ав. (Storepay)
• Сонирхолтой зөвлөмж: Сансрын нисгэгчид сансарт жингүйдлийн орчинд хэрхэн унтаж, анхаарлаа төвлөрүүлдэг вэ? (Tech Times)
• Halloween: Энэ жил хамгийн их трэнд болж, хамгийн олон хүн хувирсан дүрүүдийн судалгааг гаргажээ. (Visual Capitalist)
• Хөрөнгө оруулалт: Ойрын 5 жилд 3 дахин өндөр ашиг хүртэх боломжтой 6 blue-chip хувьцаа. (Seeking Alpha)

• Monday: Дэлхийн веган хоолны өдөр. Веган биш байсан ч ходоодоо ганц өдөр амраахад юу нь буруудхав, тийм биз?
• Tuesday: Pfizer (PFE), T-Mobile US (TMUS), Thomson Reuters (TRI) III улирлын санхүүгийн тайлангаа танилцуулна.
• Wednesday: НАСА SpaceX-ийн гурав дахь хүнтэй нислэгийг зохион байгуулна.
• Thursday: Toyota Motor (TYT), Konami Corp (KNM), Airbnb (ABNB) III улирлын санхүүгийн тайлангаа танилцуулна.
• Friday: Их эзэн Чингис хааны мэндэлсний 859 жилийн ойн өдрийг Монгол Бахархлын өдөр болгон тэмдэглэнэ.