|
Volgens ‘n mediaverklaring deur die Departement van Indiensneming en Arbeid, gaan blits inspeksies in die landbousektor in die Noord-Kaap uitgevoer word. Hierdie geïntegreerde inspeksies vind al hoe meer plaas en bestaan dikwels uit alle dienste wat deur die Inspeksie en Handhawingsdienste wat ondere andere voldoening aan die Wet op Beroepsgesondheid en Veiligheid, Wet op Vergoeding vir Beroepsbeserings en -siektes, Wet op Basiese Diensvoorwaardes, die Nasionale Minimumloon Wet, Wet op Werkloosheidsversekeringsfonds insluitend die Wet op Werkloosheidsbydraes sowel as die Wet op Gelyke Indiensneming.
Die inspeksies vind plaas in samewerking met belanghebbendes soos die Departement van Binnelandse Sake, Mensregte Kommissie, Suid-Afrikaanse Inkomstediens, die Suid-Afrikaanse Polisiediens, die Departement van Landelike Ontwikkeling en Grondhervorming asook die Departement van Landbou, Bosbou en Vissery.
Werkgewers in die landbousektor moet hierop let en sorg dat dokumentasie van toepassing in plek is ten einde vervolging te voorkom.
|
