Entidades socias de servizos de Coop57 Galiza:
Rematado o proceso asembleario no que se aprobaron as liñas de traballo para este ano 2022, tanto a nivel da Cooperativa como de Galiza, douvos traslado dun pequeno dossier informativo sobre as diferentes fórmulas de financiamento que ten activadas a Cooperativa.
Como veredes, trátase dun catálogo amplo que ao longo dos anos se foi definindo, incorporando fórmulas financeiras diversas, dando así resposta ás necesidades específicas que as socias de servizos foron formulando.
Foi así como xurdiron, por exemplo, os préstamos para financiamento de vivenda, ou os de capitalización de cooperativas e sociedades laborais, ou os máis recentes vinculados ao sector da enerxía.
Se tendes algunha necesidade específica, ou precisades coñecer máis polo miúdo as condicións e trámites de cada un deles, non deixes de porvos en contacto coa Secretaría Técnica da sección de Galicia (tendes o correo e teléfono de contacto máis abaixo).
Aclararavos os pasos a dar, documentación a achegar, as garantías a implementar en cada caso (avais mancomunados, posibilidade de garantía do fondo Easi, etc) e as condicións de cada liña de financiamento (prazos, xuros, etc).
Lembrade que Coop57 é unha ferramenta financeira que está ao voso servizo, para dar cobertura ás vosas necesidades e proxectos.
Un saúdo
|
|