Skólaþing sveitarfélaga hafið - upptaka

Fyrsti hluti Skólaþings sveitarfélaga fór fram mánudaginn 21. febrúar. Unnt er að horfa aftur á þann hluta á vefsíðu Skólaþingsins en annar hluti þingsins fer fram mánudaginn 28. febrúar.

Skólaþingið verður allt rafrænt að þessu sinni. Er því skipt niður í tvo megin hluta, sá fyrri var sl. mánudag en hinn síðari mánudaginn 28. febrúar. Þá verða þrjár málstofur til viðbótar mánudagana, 7., 14. og 21. mars.

Fjárhagsáætlanir A-hluta sveitarfélaga 2022

Samband íslenskra sveitarfélaga hefur nú unnið samantekt um fjárhagsáætlanir 67 sveitarfélaga fyrir árið 2022 en í þeim búa 99,9% landsmanna.

Samantektin tekur eingöngu til A-hluta sveitarfélaga, þ.e. þeirrar starfsemi sveitarfélaga sem að hluta eða öllu leyti er fjármögnuð af skatttekjum. Samgöngu- og sveitarstjórnarráðuneytið hefur safnað útkomuspá frá sveitarfélögum og tekur það safn einnig til nær allra sveitarfélaga. Ársreikningar sveitarfélaga fyrir árið 2021 liggja ekki fyrir og því er í töflum sem fréttinni fylgja gerður samanburður við fjárhagsáætlanir 2021.

Tvær sameiningar samþykktar - einni hafnað

Laugardaginn 19. febrúar sl. fóru fram þrennar sameiningarkosningar. Tvær sameiningar voru samþykktar en ein felld.

• Sameining Akrahrepps og Sveitarfélagsins Skagafjarðar var samþykkt.
• Íbúar Blönduósbæjar og Húnavatnshrepps samþykktu sameiningu.
• Sameining Eyja- og Miklaholtshrepps og Snæfellsbæjar var felld.

Sameiginlegt útboð á vátryggingum

Á næstu vikum munu Ríkiskaup, í samstarfi við Samband íslenskra sveitarfélaga, standa að sameiginlegu útboði á vátryggingum.

Með þátttöku í sameiginlegum innkaupum nýtist innkaupamáttur sveitarfélaganna hvað best og getur skilað talsverðu hagræði.  

Fiskeldissjóður auglýsir eftir umsóknum um styrki fyrir árið 2022

Sveitarfélög þar sem sjókvíeldi er stundað eru hvött til að sækja um styrk til sjóðsins og kynna sér þær reglur sem um hann gilda, sérstaklega úthlutunarreglur sjóðsins, sem eru aðgengilegar hér að neðan.

Opnað var fyrir umsóknir 18. febrúar 2022 og er umsóknarfrestur til kl. 16:00 25.mars.

Sveitarfélög, bæir og borgir ræða Framtíð Evrópu

Á vegum formennskuáætlunar Frakklands fer fram ráðstefna í Marseilles dagana 3.-4. mars.

Ráðstefnan fer einnig fram á netinu og því kjörið tækifæri að taka þátt á netinu og heyra hvað er helst á döfinni varðandi Framtíð Evrópu, en ráðstefnan er haldin í tengslum við áherslur ESB varðandi s.k. “Conference on the Future of Europe”. Á ráðstefnunni í Marseilles verður horft á þessi mál út frá sjónarhóli evrópskra borga, bæja og sveitarfélaga.

• Nánari upplýsingar og skráning á ráðstefnuna.

Þegar móðir mín grætur
ríkir friður.
Þegar andlit hennar er orðið að steini
er stríðið byrjað.
- Friðarljóð nr. 1 eftir Elísabetu Jökulsdóttur