Euskadiko Lehen Kontigentzia Plana 2022ko martxoaren 3an, Europako Batzordeak argi berdea emandako 2001/55/EE Zuzentarauaren aplikazioaren inguruan garatzen da.

Ukrainatik ihesi datozen edo herrialdera bueltatu ezin diren pertsonentzat salbuespen eta erraztasun gehiago eskaintzen dituen babes neurria, hasiera batean berri ona izan daitekeen arren, gizarte langile bezala, esan beharra dugu, eskubide eta justizia sozialaren ikuspuntutik, beste herrialdeetako migratzaileekiko diskriminatzailea dela.  

Ikuspuntu honetatik abiatuta gure kolektibo profesionalaren iritzia osatu nahi dugu eta honetarako deia luzatzen dizuegu elkargokideei. Zuen ikuspuntu, iritzi eta ekarpenak jasoko dituen idatzi bat egin nahi dugu.  Ondoren, gure iritzia Administrazio Publiko, Entitate eta  gizarteari informazioa iturri eta medio ezberdinetatik zabalduko dugu.

Gizarte Zerbitzuetako erreferente izanik, egoera hau zuzenean ezagutzen dugu eta ezinbestekoa da gure ikuspuntu profesionaletik justizia soziala aldarrikatzea.