View this email in your browser

Fréttabréf FSÍ

21. ágúst 2020

Skráningarfrestur á mót

Líkt og keppnistímabilið 2019 - 2020 verður skráningarfrestur á mót 4 vikur. Staðfest mótaskrá sem og Vinamótaskrá verða sendar út 7. september.
Við viljum minna félögin á að senda inn dagssetningar á fyrirhuguðum vinamótum fyrir 3. september.
Opnað verður fyrir skráningar á mót í Þjónustugátt 7. september.

Covid reglur FSÍ

Hér á heimasíðu Fimleikasambandsins má finna Covid reglur FSÍ sem samþykktar voru þ. 18. ágúst. Við hvetjum ykkur eindregið til að lesa þær yfir og innleiða inn í ykkar félag. Þar má einnig finna leiðbeiningar um grímunotkun.
Þessar reglur eru í gildi til 27. ágúst, þá verður ferlið endurmetið og verður mótafyrirkomulag FSÍ fyrir haustið metið út frá nýjum leiðbeiningum.

Formanna- og framkvæmdastjórafundur ásamt stefnumótun FSÍ

Mánudaginn 17. ágúst fór fram formanna- og framkvæmdastjórafundur, þar sem farið var yfir helstu áherslur fyrir veturinn. Margrét Lilja Guðmundsdóttir frá Rannsóknum og greiningu var með fyrirlestur um andlegt og líkamlegt heilbrigði barna út frá Ánægjuvoginni. Beint í framhaldinu fór svo fram stefnumótun FSÍ. Hópurinn var þriðji af þremur sem koma að því að marka stefnu sambandsins en áður hafði Harpa Þorláksdóttir, stjórnarkona, sem stýrir vinnunni unnið með stjórn og skrifstofu í einum hópi og svo fagnefndum, landsliðsþjálfurum og þjálfurum úr félögunum í öðrum hópi.

Öruggt umhverfi

Allir eiga rétt á því að geta stundað sitt íþrótta- og/eða æskulýðsstarf í öruggu umhverfi. Einnig eiga allir iðkendur; börn, unglingar og fullorðnir óháð kynferði eða stöðu að öðru leyti að geta leitað sér aðstoðar eða leitað réttar síns vegna atvika og misgerða sem eiga sér stað án þess að þurfa að óttast afleiðingar.

Nú hefur öllum iðkendum í úrvalshópum verið sent fréttabréfið þar sem fram kemur hvert er hægt að leita, ef þeir þurfa á stuðningi að halda. Minnum á netfang Aga-og siðanefndar tilkynning@fimleikasamband.is

Á sama hátt og við veittum þeim sem ekki mættu í salinn í maí sérstaka athygli, þá er mikilvægt að við gerum slíkt hið sama nú þegar haustönnin er að fara af stað. Gefum okkur tíma í að rýna brottfallið, ef eitthvað er, og reynum að setja okkur í samband við foreldra og athuga hvers vegna iðkandinn er ekki að skila sér.

Minnum á þennan gagnlega bækling frá ÍSÍ – Viðbragðsáætlun við óvæntum atburðum

Fimleikasamband Íslands
Engjavegur 6 | 104 Reykjavík | Ísland
fsi@fimleikasamband.is | www.fimleikasamband.is | s: 5144060

Want to change how you receive these emails?
You can update your preferences or unsubscribe from this list.