|
Ola a tod@s
Aínda aquí estamos. Non cumprimos 20 anos sempre e por iso temos ganas de troula, desta volta será dun xeito diferente e cumprindo con todas as medidas marcadas polas autoridades educativas e sanitarias
Queremos partillar con vós a nosa ilusión por seguir aínda que non poida ser como máis nos gustaría. Non puidemos saír ás rúas en maio para celebrarmos a nosa festa. Démoslle unha volta a todo e aquí estamos en novembro decididas a pasalo ben interactuando con vós por medio da rede e que sexades protagonistas dos nosos streaming. Podedes seguir a nosa festa e participar das diferentes actividades desde os vosos centros.
Desexamos que o Correlingua sexa unha actividade que perdure todo o ano buscando sempre e a vosa complicidade e argallando actividades e retos que permitan ter unha maior relación e entendemento cos centros educativos.
Todos os centros do país poderedes participar con nós deste reto, que vai ser o Correlingua, dinamizando e dándolle pulo ao idioma dun xeito lúdico e participativo.
Comezamos! E será en Narón cunha festa na que participarán Cé Orquestra Pantasma e A Gramola Gominola e que presentará Isabel Risco. Vindeiro xoves, 5 de novembro, desde as 11:30h
Toda a festa, toda a troula e toda a lingua nesta ligazón: https://youtu.be/FOKEpVQwLpI
#VinteCoaLingua #NonParamos
Iremos informando das distintas transmisións que se celebrarán ao longo de novembro
Grazas e moita festa da lingua!
|
