Կոլբա Ջոբսի շաբաթական ամփոփագրի այս համարում կարդացեք այն մասին, որ հեռավար աշխատանքը կարող է դառնալ մշտական տարբերակ շատ ընկերությունների համար։ Իմացեք, թե ինչպես կարող եք օգնել մեզ ստեղծել հեռավար/ֆրիլանսի հետ առնչվող տերմինների բառարան, թե ինչի համար է ֆրիլանսերներին խորհուրդ տրվում ունենալ անձնական վեբ կայք և թե ի՞նչ գործիքներ կան, որ օգնում են առավել հարմարավետ կազմակերպել հեռավար աշխատանքը։ Ինչպես միշտ ներկայացնում ենք նաև մի շարք հեռավար և ֆրիլանս աշխատանքների հնարավորություններ և մի շատ հետաքրքիր վիդեո դասընթաց ծրագրավորում սովորել ցանկացողների համար։ 

Salesforce-ն ասում է որ 9-5 ժամային գրաֆիկով աշխատանքն անցյալում է։ Ընկերության աշխատակիցները այսուհետ կարող են ընդմիշտ աշխատել հեռավար տարբերակով, նույնիսկ երբ համավարակն ավարտվի։ Կարդացեք The Guardian-ի նյութը (անգլերեն)։

Ի՞նչ է co-working-ը, ի՞նչ է NDA/NCA, ո՞վ է flexpert-ը։
Հեռավար/ֆրիլանս ոլորտին առնչվող շատ տերմիններ կան, որոնք շատերի համար անհասկանալի են և բացատրության կարիք ունեն: Մենք այժմ կազմում ենք այդպիսի մի բառարան ու ցանկանում ենք ներառել հնարավորինս շատ բառեր և արտահայտություններ։ Ի՞նչ նմանատիպ տերմինների եք հանդիպել, որոնց իմաստը լավ չեք հասկացել։ Պատասխանեք այս նամակին և մենք շուտով կներկայացնենք մեր համապարփակ բառարանը։