View this email in your browser

Mae cymorth ar gael i ddioddefwyr a goroeswyr ifanc

Gall plant a phobl ifanc sydd wedi dioddef trosedd gael cymorth a chefnogaeth arbenigol trwy Umbrella Cymru.

Gall Umbrella Cymru gynnig amrywiaeth eang o wasanaethau ac nid oes rhaid i chi fod wedi riportio trosedd wrth yr heddlu i gael cymorth.

Gallwch gysylltu ag Umrella Cymru fel a ganlyn:
Ewch i: www.umbrellacymru.co.uk/connect-gwent
E-bostiwch: info@umbrellacymru.co.uk
Ffoniwch: 0300 302 3670
Dilynwch: @umbrellacymru ar Twitter

Graffiti - dywedwch wrth eich cyngor

Mae graffiti'n gallu creu argraff negyddol am ardal a chynyddu ofnau pobl am drosedd yn y gymuned.

Awdurdodau lleol sy'n gyfrifol am gael gwared ar graffiti o adeiladau sy'n eiddo i'r cyngor a mannau cyhoeddus.

Ewch i wefan eich cyngor lleol i hysbysu am graffiti:
Blaenau Gwent
Caerffili
Sir Fynwy
Casnewydd
Torfaen

Sgam ffurflen Cyfrifiad

Mae sgam ar led trwy gyfrwng neges destun sy'n honni bod ffurflen Cyfrifiad unigolyn wedi cael ei llenwi'n anghywir a bod angen iddo ef neu hi dalu dirwy. Mae’n bosibl bod y neges yn gofyn am wybodaeth bersonol a manylion banc hefyd.

Ni fydd y Swyddfa Ystadegau Cenedlaethol, sy'n gyfrifol am y Cyfrifiad, byth yn cysylltu â chi fel hyn, yn gofyn am wybodaeth neu'n hawlio taliad.

Peidiwch â chlicio ar ddolenni a gwiriwch gyda'r sefydliad cyn cymryd unrhyw gamau yn dilyn galwad neu neges destun. Gallwch hysbysu Action Fraud am negeseuon testun amheus trwy eu hanfon at 7726.

Cadwch eich busnes yn seiberddiogel

Mae bron i hanner holl fusnesau bach y DU wedi riportio toriadau seiberddiogelwch neu ymosodiadau seiber yn ystod y flwyddyn ddiwethaf.

Mae'r Ganolfan Seiberddiogelwch Genedlaethol wedi llunio cynllun gweithredu i helpu busnesau bach i gadw'n ddiogel rhag bygythiadau seiber.

Gallwch ddilyn Tîm Seiberdroseddau Heddlu Gwent ar Twitter hefyd i gael cyngor diogelwch rheolaidd - @GPCyberCrime

Heddlu Gwent - Swydd Wag: Rheolwr - cyllid a phartneriaethau

Mae hwn yn gyfle i weithio ar lefel uwch yn Heddlu Gwent fel pwynt cyswllt ar gyfer cyd-gysylltu ceisiadau am gyllid a chyfleoedd cynhyrchu incwm.

Bydd deiliad y swydd yn gweithio yn yr adran Rheoli Newid ond bydd yn cynorthwyo i ddarparu strategaeth cyllid Swyddfa Comisiynydd yr Heddlu a Throseddu hefyd. Bydd y gwaith yn cynnwys gwerthuso prosiectau sy’n cael eu hariannu a sicrhau bod adroddiadau’n cael eu llunio yn unol â phrosesau llywodraethu sefydliadol.

Dylai bod gan ymgeiswyr addas brofiad o baratoi achosion busnes neu ymgeisio am gyllid grant.

Rhagor o fanylion a ffurflen gais.

Want to change how you receive these emails?
You can update your preferences or unsubscribe from this list.

This email was sent to <<E-bost>>
why did I get this? unsubscribe from this list update subscription preferences
Office of the Police and Crime Commissioner for Gwent · Turnpike Road · Cwmbran, Torfaen NP44 2XJ · United Kingdom