Tækifærin hefjast hér!

Á undanförnum árum hafa margir íslenskir framhaldsskólar tekið þátt í Erasmus+ samstarfsverkefnum og leitt nokkur.  Gott dæmi um árangursríkt verkefni í starfsmenntun sem er nýlega lokið er ADVENT sem var leitt af Fjölbrautaskóla Austur - Skaftafellssýslu. 
ADVENT stendur fyrir starfsmenntun og þjálfun í afþreyingarferðaþjónustu þar sem þátttakendur þróuðu og prófuðu nýtt námsefni í sinni grein.

Í Erasmus+ samstarfsverkefnum felast fjölmörg tækifæri fyrir íslenska skóla, stofnanir og fyrirtæki. Mögulegt er að sækja um styrki fyrir verkefni sem stuðla að nýbreytni og framþróun í kennslu og veita tækifæri til að öðlast reynslu af alþjóðlegu samstarfi. Einnig geta verkefnin snúist um að þróa eða yfirfæra aðferðir eða leiðir við kennslu og að þróa námsefni.