E te whānau, tēnā koutou katoa

#TEAHOMATUA

Te Tūrei, te 7 o ngā rā o Whiringa-ā-rangi 2023

Te Puāwai

Te Kapa Whakaihuwaka o Te Mana Kuratahi 2023

Te ihi me te wana hoki o te kapa nā rātou te taonga Whakaihuwaka.  Ngā mihi nui ki ngā tamariki o te kapa Puāwai nō Te Kura Kaupapa Māori o Hoani Waititi. E whā ngā wā ināianei kua toa a Hoani Waititi i te whakataetae mō Te Mana Kuratahi. E ai ki a Te Raina Pīhama, tētahi o ngā kaiako, “E mōhio pai ana mātou e tino hīkaka anō rātou, koa ana, hihiri ana.” Te kamakama hoki a ngā tamariki ki te ako.

Ngā mihi ki ngā kapa KKM

i tae atu atu ki Te Mana Kuratahi

Te ātaahua hoki ā ngā whakahaere katoa me te haepapa nui o TKKM o Tuia te Matangi me ngā kura o te rohe i Whakatū ki te manaaki i ngā kapa 45 tae atu ki te whakataetae o Te Mana Kuratahi.

Ngā mihi aroha ki ngā kura i whai wāhi ki te tae atu ki te whakataetae kaupapa mō Te Mana Kuratahi.  Ka wani hoki ngā Kura Kaupapa Māori i tae atu ki te whakataetae.

Te KKM o Tuia te Matangi 

Te KKM o Ngāti Kahungunu ki Heretaunga 

Te KKM o Ngā Mokopuna 

Te KKM o Otepou 

Te KKM o Te Kōtuku 

Te KKM o Horouta Wānanga 

Te KKM o Ngā Uri a Maui 

Te KKM o Wairarapa 

Te KKM o Te Pi'ipi'inga Kākano Mai i Rangiātea 

Te KKM o Te Atihaunui-ā-Pāpārangi 

Te KKM o Mangere 

Te KKM o Te Wānanga Whare Tapere o Takitimu 

Te KKM o Ruamata 

Te KKM o Te Kura Whakapūmau i te Reo Tūturu ki Waitaha 

Te KKM o Te Whānau Tahi 

Te KKM o Te Koutu 

Te KKM o Manawatū 

Te Wharekura o Te Rau Aroha 

Te KKM o Hoani Waititi

Wānanga Tumuaki Hou

Ngā Tumuaki Tau 1 me ngā Tumuaki Tau 2

Ki te Hotera Brentwood, Poneke

Mō ngā tau e rima kua whakahaere a Rawiri Wright i ngā wananga whakangungu tumuaki. Ka toru tau te roa mā te whakangungu nei.   17 ngā tumuaki tau 1 me te tau 2 e whai ana i te hotaka i tēnei tau.  I tērā wiki i tū ai tō rātou wananga mutunga mō te tau nei.  Ko Phil Heeney rāua ko Brenda Soutar ngā kaitautoko mō te wananga nei.

Te Kaupapa Mātauranga Mō Te Iwi Māori

Te Wehi Wright rāua ko Brenda Souter

Nō te 13 o Oketopa ka kake a Te Wehi Wright hei kanohi mō TRN ki te Poari o Te Kaupapa Mātauranga Mō Te iwi. Ko Te Wehi te piki tūranga mō Brenda Soutar kua heke nō muri i te tau kotahi ōna i te poari. Nō te tau 1961 i whakatūria ai te tarati i raro i te Ture Māori Education Foundation 1961. Ko te akiaki, ko te hāpai i te hunga whai wāhi ki te mātauranga o ngā kura me ngā wānanga te tino whāinga. Kia kaha Te Wehi, kawea ngā mātāpono o tā tātou kaupapa ki tēnā whakahaere hei painga mō ā tamariki!

Te Kura Pouako Kura Kaupapa Māori

He mātua rānei he ākonga rānei Tau 13 kei te hiahiatia te whai i te huarahi ūmanga Kaiako Kura Kaupapa Māori?  Tēnā, kei ngā tūhono matihiko nei ngā whakamārama, tukuna atu ki ā rātou.

Te Aho Tātairangi

3 toru ngā tau te roa

Te Aho Tātairangi Bachelor of Teaching and Learning Kura Kaupapa Māori

Te Aho Paerewa

1 tau te roa

Te Aho Paerewa Postgraduate Diploma Teaching and Learning in Māori Medium  

Tūranga Wātea

Mehemea he pānui tūranga wātea tāu kura, tēnā tuku mai te pānui ki a Trish Bevan.

Te Kura Kaupapa Māori o Whangaroa

Tūranga Tumuaki 

Tāwhaki ki muri, Tāwhaki ki mua, Tāwhaki ki Whangaroa. Matehunuenue te teitei o Tāwhaki ki te tihi o Manono, Tāwhaki ka puawai.

E rapu ana mātou i tētahi tangata hei ārahi i tō mātou kura, te kura kaupapa Māori o Whangaroa. Me mōhio ki te reo me ngā āhuatanga o Ngā Puhi, o Ngāti Kahu, ā, me pono marika koe ki Te Aho Matua. Me matatau ki te whakaako tamariki. Me aroha koe ki ngā tamariki me ō rātou mātua. Kei Matauri te kura, he rawe ngā whare me ngā rauemi o roto. He kura āronga-tahi, he wahanga wharekura kei te kura.

Hei te 5pm i te Paraire te 24 o Noema te rā kati mō ngā tono tūranga.

Īmera mai ki a Arapine Walker mō te puka tono. Arapine@runanga.co.nz 027 771 3543.

Te Kura Kaupapa Māori o Kawakawa mai Tawhiti

Tokotoru ngā kaiako hou mō 2023

Takina ko te kawa ko Kawakawa mai Tawhiti. Ko te kawa nui, ko te kawa roa, ko te kawa i takea mai i Tawhiti nui, Tawhiti roa, i Tawhiti pāmamao. Ko Te Kura Kaupapa Māori o Kawakawa mai Tāwhiti tēnei. Tihei Mauriora.

Kei Wharekahika Ngati Porou mātau. Ko Huarau te ingoa tipuna heke iho o te whenua hei whenua taurikura.He Kura Aho Matua mātau. Ko ngā raukura Aho Matua ngā huarau. He Kohanga Reo, he Kura, he Wharekura, he Ataarangi hoki. Hei Whakaora i te Reo o Ngāti Porou me ōna Tikanga te whakapono. He ūaratanga e ono. Tangatanga te Reo, Ngākau Māhaki, Wairua Aroha, Hinengaro Koi, Pukumahi, Toa ki Te Tākaro. Me pono tonu ki Te Aho Matua. Me pono tonu ki Te Reo o Ngāti Porou. Me pono tonu ki ngā Ūaratanga o Te Kura.

Kei te hiahia kaiako hou mō 2023. Kei rō rūma 1 Tau 1-2, kei rō rūma 2 tau 3-4, kei rō rūma 3 tau 5-6.

Tonoa mai ki a Campbell Dewes. Tumuaki. campbell@kkmt.school.nz

Mehemea he pātai, waea mai/ pātuhi mai 021 02389692.

Te Kura o Ngaruahinerangi

He pānui tēnei mō ngā turanga wharekura (Tokorua ngā tūranga) 2024

Kaiako Wharekura 

·      Tau 9, tau 10

·      Reo Māori

·      Te Ao Haka

·      Tikanga ā Iwi

·      Hangarau

·      NCEA Te Reo Rangatira

Me mātua mōhio ki 

·      ngā mātāpono o Te Aho Matua

·      Mauriora

·      Te Tuakiri o te Tangata

·      Poutiria te Aroha

·      Matua Rautia

·      Ka manaaki mātou i te tangata tika kia hunuku mai nei e noho ana ki rohe kē.

Ka kati ngā tono a te 17 o Whiringa a Rangi 2023.  Mehemea he pātai āu, whakapā mai ki te Tumuaki kia ngapera@ngaruahine.school.nz te waea rānei:  0211279839.

Pūrongo Kāute Pūtea ā-Tau

Ko te tikanga kua whakairihia e tō kura te pūrongo kāute pūtea ā-tau ki tāu whārangi paetukutuku.  Kāore ētahi o ngā kura i te hiahia kia tuku i tā rātou pūrongo ki tā rātou paetukutuku.  Ki te hiahia tō kura ki te whakairi i tāu pūrongo ki te whārangi paetukutuku o Te Rūnanga Nui, tukuna mai ki a Trish Bevan, trish@runanga.co.nz

Ngā Pānui Tōiri ōmua

Pānuitia ki kōnei

Whakapā mai

Mehemea he kaupapa tāu hei whakatairanga mā tātou.
Mehemea he pānui, he karere rānei tāu, tēnā whakapā mai!
https://runanga.co.nz/whakapa-mai/

Whāia hoki ngā pae paohopori a Te Rūnanga

linktr.ee/teahomatua