Tūranga Wātea
Mehemea he pānui tūranga wātea kei tō kura, tēnā, tukuna mai te pānui ki a Trish Bevan.
Te Kura Kaupapa Māori o Whakarewa i te Reo ki Tūwharetoa
He tūranga tūmuaki
"Te tangi a te iwi kua riro rā, ko te mana motuhake kia ū
Tuku whakarere iho tō mana Māori, puritia kia kaha
Ruia taitea! Ruia taitea!"
He karanga ki te raki, he karanga ki te tonga
he karanga ki te marangai, he karanga ki te uru,
E matatau nei koe ki Te Aho Matua?
E matatau nei koe ki Poutiria Te Aroha?
E matatau nei koe ki te Tūwharetoatanga?
E matatau nei koe ki te reo tūpuna?
E matatau nei koe ki te raranga i te tira?
Ko wai rā!? Ko wai rā!?
He tūranga Tumuaki ka watea ai a te 05 o Huitānguru, 2024.
Me ka āe mai koe ki ngā uinga pou whakaaro o runga ake nei tēnā,
kia whakapā atu ki te Tari o TKKM o Whakarewa i Te Reo ki Tūwharetoa,
ka riro i a koe te whānuitanga o ngā kōrero.
Ka ngū te reo karanga a te kōutuutu mai i te 22 o Hakihea.
Mehemea he pātai āu, whakapā mai
whakarewa@whakarewa.school.nz
07 378 2208
Te Kura Kaupapa Māori o Manawatū
E rua ngā tūranga wātea ki te kura tuatahi:
Tūranga Pumau, Wā Kīkī, ka tīmata a te 29 Hanuere 2024
Tūranga ā-Wāhanga, Wā Kīkī, 29/01/2024-27/01/2025
E rapu ana i ētahi tangata e mau tohu whakaako, mau rēhita whakaako hoki. Me kaingākaunui ki ngā tamariki katoa i waenganui i ngā tau 0-8. Me whakapono ki Te Aho Matua.
Ānei ngā pūkenga a te kaitono:
Ko te painga tērā ki te tino mōhio ia ki a Poutiria te Aroha
He mōhiotanga ki te whakamāhere mā anga o Te Aho Matua
He tangata auaha, whakatō ihiihi, whakatipu pūkenga e whanake ai te akonga
He ngākaunui ki te whai rautaki, ki te whai oranga, ki te matapaki, ki te hui tahi ki te kōrero i ngā take nui o te wā ki raro i te haumarutanga o Te Aho Matua.
He tūranga hoki ki te Wharekura:
E rapu ana i tētahi tangata e mau tohu whakaako, mau rēhita whakaako hoki. Me kaingākaunui ki te hunga taiohi hoki. Me whakapono ki Te Aho Matua.
Ānei ngā pūkenga o te kaitono:
He mōhiotanga ki te whakahaere i te NCEA me Te Aho o te Kura Pounamu
He tangata auaha, whakatō ihiihi, whakatipu pūkenga e whanake ai te akonga
Mahi ngātahi, whakamāhere ngātahi me te whānau wharekura
Mēnā ko koe te tangata e tika ana mō tētahi tūranga, tukuna mai tō tātai pūmanawa, tō reta me ngā taipitopito mō ngā kaitautoko tokorua, kia Roberta Kaiwai-Paterangi, roberta.kaiwai-paterangi@tkkmom.ac.nz
ref: Tūranga Pūmau/ Tūranga ā-Wāhanga
Te Kura Kaupapa Māori o Pūau te Moananui a Kiwa
Kua hinga atu rā he tētēkura ko rātou ērā kua whetūrangitia, e moe, e moe, e moe. Kia ara mai anō he tētēkura, ko tātou tēnei te waihotanga iho i a rātou, tēnā koutou,
tēnā koutou, tēnei tātou katoa.
He karanga ki te raki, he karanga ki te tonga
He karanga ki te rawhiti, he karanga ki te uru
E matatau nei koe ki Te Aho Matua?
E matatau nei koe ki Poutiria te Aroha?
E matatau nei koe ki ngā whānau Māori i tupu mai i te taone o Tamaki Makaurau?
E matatau nei koe ki te reo tūpuna?
E matatau nei koe ki te raranga i te tira?
Ko wai rā? Ko wai rā?
He tūranga Tumuaki ka watea ai a te Hui tanguru 2024.
Me ka āe mai koe ki ngā uinga pou whakaaro o runga ake nei tēnā, kia whakapā atu ki te Tumuaki lynley@puau.school.nz o te kura, ka riro i a koe te whānuitanga o ngā kōrero.
Ka ngū te reo karanga i te 07 Kohitātea 2024.
Nā Te Whānau Whakahaere o Puau te Moananui a Kiwa
TE KURA KAUPAPA MĀORI O PUAU TE MOANANUI A KIWA
26a Farringdon Street, Glen Innes
TĀMAKI MAKAURAU 1072
09 528-0210
Te Kura Kaupapa Māori o Tamakinuiarua
TURANGA 2024
POUAKO WĀ KĪKĪ
E rapu ana Te Kura Kaupapa Māori o Tamaki nui-ā Rua i tētahi pūkenga hei pouako
Ko ngā āhuatanga o te kaitono momoho:
he pouako/tangata whai rēhitatanga
he maia, he matatau ki te Reo Maori me ōna tikanga.
he pūrangiaho te māramatanga ki Te Aho Matua me te whakaū i ōna mātāpono;
he whakaaro nui taioreore ki te mana o Rangitāne me āna tikanga
e pūkeko ana ki te whakahaere, ā, he matatika;
he arataki i te whanau, i ngā kaiako, i ngā ākonga kia ū ki ngā mātāpono me ngā matatika o te kura;
he ngākau tūwhera, he auaha, he kaikaha ki te whakawhanake me te whakapakari i te kura; he kaiwhakaaweawe, he kaitautoko, he kaiwhakaohooho mō ngā kaimahi, ngā kaiako, ngā ākonga, mo te whānau hoki;
he marama te whakawhitiwhiti kōrero
He mea whakarite ngā tikanga me ngā here o te tūranga nei e te Area School Teachers Collective Agreement 2023-2025. Ka whakakoiatia te utu ā-tau i te whakapūmautanga o te turanga.
TURANGA 2024
TUMUAKI
E rapu ana Te Kura Kaupapa Māori o Tamaki nui-ā Rua i tētahi pūkenga hei tumuaki.
Ko ngā āhuatanga o te kaitono momoho:
he tangata whai rēhitatanga
he māia, he matatau ki te Reo Māori me ōna tikanga
he pūrangiaho te māramatanga ki Te Aho Matua me te whakaū i ōna mātāpono;
he whakaaro nui taioreore ki te mana o Rangitāne me āna tikanga
e pūkeko ana ki te whakahaere, ā, he matatika;
he arataki i te whānau, i ngā kaiako, i ngā ākonga kia ū ki ngā mātāpono me ngā matatika o te kura;
he ngākau tūwhera, he auaha, he kaikaha ki te whakawhanake me te whakapakari i te kura;
he kaiwhakaaweawe, he kaitautoko, he kaiwhakaohooho mô ngâ kaimahi, ngă kaiako, ngâ ākonga, mo te whānau hoki;
he mārama te whakawhitiwhiti kōrero
He mea whakarite ngā tikanga me ngā here o te turanga nei e te Area School Principals' Collective Agreement 2023-2025. Ka whakakoiatia te utu ā-tau i te whakapāmautanga o te turanga.
Tukuna tâhau na Tātai Pūmanawa me tētahi reta takitaki ki te i-meera: hinekurar@tamakinuiarua.co.nz
Ka kape tēnei tono hei te Rāmere 22 0 Hakihea 2023.
TKKM o Te Atihaunui-ā-Pāpārangi
Kaiako Kairīwhi
Fixed Term -
Full TimeKura Tuatahi (Tau 1-8) ki Te Kura Kaupapa Māori o Te Ātihaunui a Pāpārangi ki Whanganui.
E rere kau mai te Awa nui mai i te Kāhui Maunga ki Tangaroa, ko au te Awa,ko te Awa ko au. He kura Aho Matua mātau nā reira me matua mōhio ki ngā mātāpono me ngā āheinga ki te whakatinana i ngā uara. Ko te reo, te mita me ngā tikanga o Whanganui te kete kōrero e raranga ana i ngā whenu o te Aho Matua.
E rapu ana mātau i tētehi kaiako e mau rēhita ana, e māia ana hoki ki te whakaako i ngā reanga o te kura tuatahi, arā, i ngā Tau 3. He tūranga mō te tau katoa kia wātea te kaiako pūmau kia tiaki pēpi.
Tukua mai tō tātai pūmanawa, ngā taipitopito mō ngā kaitautoko tokorua me tō reta tono ki te īmera tumuaki@teatihau.school.nz
Ka kape tēnei tono hei te 9 o Hanuere 2024.
Te Wharekura o Manurewa
Kaiako Wharekura Tau 7–13 (2 ngā tūranga)
E rapu ana mātou i ētahi kaiako e rua hei whakaako i ētahi o ēnei momo marau ki wā mātou tauira Tau 7-13, arā te kanikani-dance, hangarau matihiko-digital technology, hangarau kai-food technology, hangarau pakeke-hard technology, mahi pakihi-business studies, Te Oro-music, me Te Ao Pāpaoho-media mā roto i te reo. Me whai Tohu Kaiako koe. Me mōhio hoki koe ki tēnei tūāhua whakaako te tūhonohono te tuitui marau raini-integrated teaching and learning. Ko te mea nui me ngākaunui koe ki tō tātou reo rangatira me ōna painga katoa.
He kura hou tā mātou ka puarengia hei te tau hou e tū mai nei. Ko tōna kaupapa ko te whakaako i raro i te tuanui kotahi arā te modern learning environment. Ko tā mātou e rapu nei mena e taea ngā Kaiako te whakaako i tētahi atu marau tuarua atu i tōna marau matua.
Tonoa mai to CV me tāpiri noki tētahi reta e whakamārama ana he aha koe tono ai mo tetahi o ēnei tūranga.
Te Wharekura o Te Orini ki Ngāti Awa
Tau 11-13 Wā Kīkī, Tūranga ā wāhanga
“Ko Ngāti Awa te toki tē tangatanga i te rā, tē ngohengohe i te wā.”
E noho ana Te Kura Kaupapa Māori a Te Orini Ki Ngāti Awa i raro i te maru o Te Aho Matua me te Haahi Ringatu ki roto o Whakatane. E rapu ana mātau i tētahi kaiako e ngākaunui ana ki te hunga mātātahi hai whakaako i ngā tauira o tō mātau wharekura, tau 11-13. Me whai tohu whakaako, tohu rehita hoki.
E whai ana mātau i tētahi kaitono;-
-E pīkoko ana ki te reo me ōna tikanga
-E mōhio ana ki te NCEA, arā te whakahaere, te whakaako i ngā paerewa paetae1-3.- -Ngākau tūwhera ki te ako i ngā kaupapa hou hai painga mā ngā tauira.-
-E mōhio ana ki te mahi ngātahi.-
-Ngākau hihiri, ngākau auaha-
-Mōhio, mārama rānei ki Te Aho Matua
Mehemea ko koe te tangata tika. Tēnā, tukua mai tō tātai pūmanawa, tō reta me ngā pitopito kōrero, me ngā kaitaunaki tokorua ki; admin@tkkmteorini.school.nz
Ref: Tūnga Wharekura
Ka kapi te wā tuku tono hai te 9 o Hanuere, 2024
Te Kura Kaupapa Māori o Piripono Te Kura Whakahou ki Otara
Kaiako Kura Tuatahi (x2) 2024
He tunga kaiako ki tou mātou kura hei te timatanga o te wahanga tuatahi 2024, nā reira me mātua mōhio ki ngā mātāpono o Te Aho Matua me ngā āheinga ki te whakatinana i ngā uaratanga. Ko te reo me oona tikanga.
Tukua mai tō tātai pūmanawa, he reta tuhi a ringa e whakamārama ana i ō tūmanako mō te reo me ngā tikanga a kui mā a koro mā.
Ka kati ngā tono a te 12 o Kohitatea 2024. Ka timata ngaa uiui hei te 16 me te 17 o Kohitatea.
Mehemea he pātai āu, whakapā mai ki te Tumuaki kia marama@piripono.school.nz, kia renee@runanga.co.nz te LSM ranei, waea rānei: 02102821952
