... 1912an, Eibarren, sozialisten Herriko Etxe berriaren lehen harria paratu eta euskal ereserkia kantatu zutela?
Inaugurazio mitinean, Aquilino Amuategi Eibarko sozialismoaren buruzagia mintzatu zen, euskaraz, eta Tomas Meabe, berriz, erdaraz.
Mitin sozialistetan ohi zuten bezala, gorespen hitzak izan zituzten euskal ereserkiaren alde, haiek sustatzen zuten internazionalismoaren ikur zelakoan.
Biek ere “Gernikako Arbolari, Baskoniako askatasunen ereserki hilezkorrari, traza guztietako neoek eman dioten kutsu erreakzionarioaren” kontra egin zuten protesta eta, ereserkiaren ahapaldiak banaka aletuz, erreklamatu zuten “liberal guztiek Iparragirre bardoaren sorkari bikaina askatasunaren kantutzat hartzeko eskubidea” zutela.
|